web counter
LEXO PA REKLAMA!

SHKARKO APP

App Store
Google Play

Foto- Pasi e vranë do e ndihmojnë/ Akti kriminal i policisë në Korçë

20 Qershor 2018, 16:36, Aktualitet CNA

Sot Policia e Shtetit ka  dalë me një deklaratë sqaruese mbi rrethanat se si humbi jetën i riu nga Korça, Enea Ftoji.

I riu u arrestua me dyshimin se ishte autor i një vjedhje, u dërgua i gjallë në Polici, por doli i vdekur prej saj.

Famijarët, shoqëria civile hodhën akuza kundrejt Policisë për dhunën e ushtruar  ndaj shtetasit  Enea Ftoji.

Por, sot, Policia, me anë të një telenovele të shëmtuar, ku kishte përfshirë edhe familjen e të ndjerit Ftoji, u shfajësua për vdekjen e tij.

Sipas tyre Enea Ftoji nuk është dhunuar.

?I riu Enea Ftoji, i cili ishte shoqëruar në Komisariatin e Korçës si i dyshuar për vjedhje, nuk ka humbur jetën si pasojë e dhunës së Policisë. Ekspertiza mjeko-ligjore doli në konkluzionin se ndaj tij, nuk është ushtruar dhunë?, thanë zyrtarët e Policisë, në komunikimin që kishin përgatitur për mediat.

Ata mohuan  dhunën, por nuk mundën të justifikonin dot provat, fotot dhe videon shokuese, ku shenjat e dhunës shihen qartë tek viktima Enea Ftoji.

CNA.al po risjell edhe njëherë fotot dhe videon e realizuar në morgun e Korçës.

Pamjet flasin vetë, dhe në këtë pikë shtohen dyshimet se Policia ka manipuluar  ekspertizën, se po përlyhet imazhi.

Jeta e një njeriu vlen më pak se imazhi i Policisë sipas tyre.  Ndaj zyrtarët policorë, u krehën dhe u rregulluan, stisën takime, paturpësisht shkuan edhe tek familja e Enea Ftojit, dhe ?lanë duart?, me vdekjen e tij.

Kjo është policia që duam të vret natën dhe të qan ditën./CNA.al

 





Lajmet e fundit nga