web counter
LEXO PA REKLAMA!

SHKARKO APP

App Store
Google Play

E fundit!

x

Çuni i Fahriut i pakënaqur me Gardën e Republikës

20 Qershor 2018, 18:45, Aktualitet CNA

Garda e Republikës nuk e bëri siç duhet detyrën e saj funksionale. Ajo qëndroi indiferente dhe nuk e zbatoi urdhërin e kryetares së Komisionit për ta nxjerrë jashtë sallës Erion Veliajn. Duhet ta bënte këtë për ti çliruar njerëzit nga frika që ka mbjellë maxhoranca e Edi Ramës… Kanë qenë këto disa nga konstatimet e deputetit të listës Basha, Klevis Balliu, djalit të Fahri Balliut,ish gazetarit të gazetës komuniste “Zeri i Popullit”, aktualisht  këshilltar primar i kryetari të PD-së, Lulzim Basha.

Pakënaqësinë e vet ndaj insititucionit të Gardës së Republikës, Balliu Junior e ka shpërfaqur nga studioja e emisionit “Byro Politike”, në “ABC Neës”, ndërsa flitej për konfliktualitetin e djeshëm në Komisionin e Mediave.

Konfliktualitet i ndodhur në çastin kur kryebashkiaku i Tiranës, Erion Veliaj, u shfaq në krah të ministres së Kulturës, znj. Kumbaro.

Ndërkohë që deputeti i PD-së Flamur Noka i bëri thirrje Velisë të dilte nga salla, pasi ishte i paftuar, në mosbindje të tij Noka tentoi ta nxirrte vetë forcërisht, por u ndal në këtë iniciativë nga ndërhyrja e punonjësve të Gardës së Republikës, të cilët ngjallën kështu pakënaqësi tek deputeti Balliu.

Me ndërhyrjen e bërë Garda tregoi se i shërben vetëm maxhorancës dhe nuk është e depolitizuar, sikurse e parashikon ligji, ka thenë Klevis Balliu./CNA.al





Lajmet e fundit nga