web counter
LEXO PA REKLAMA!

SHKARKO APP

App Store
Google Play

Protesta e aktoreve/ Arben Derhemi i përgjigjet "trimave" të internetit

20 Qershor 2018, 18:15, Aktualitet CNA

Në vijim të protestës së aktorëve, të cilët prej ditësh janë vënë në mbrojtje të Teatrit Kombëtar nga planiprishës i qeverisë Rama, ka qenë aktori i njohur Arben Derhemi i cili e ka marë mbrëmjen e sotme fjalën.

Protestën e tij, këtë herë, Derhemi e ka manifestuar duke deklamuar një monolog fragmentar të At Zef Pllumit, që e ka luajtur më parë në skenën e teatrit.

Aktori ka qenë tepër i ashpër me ata që për hirë të ngritjes së gjashtë kullave, kanë projektuar të shëmbin Teatrin historik, duke mos kursyer ti etiketojë më të këqinj se kafshët.

?Po merremi më shumë vesh me kafshët se sa me njerëzit?, ka ironizuar Derhemi që, pas kësaj, ka vijuar të lajmëroj mostërheqjen e aktorëve nga protesta. Por duke i ftuar edhe civilët ti mbështesin realisht dhe jo nëpërmjet mesazheve që nuk i trëmbin projektuesit e pushtetshëm të shëmbjes së Teatrit. Madje Derhemi nuk ka nguruar të ripërsërisë, me ton të lartë, se do të hynin edhe në grevë urie për ta mbrojtur godinën historike.

?Do bëjmë çdo gjë për të mbrojtur Teatrin, do hyjmë edhe në grevë urie.Të vijnë të gjithë njerëzit të protestojnë këtu. Në facebook dikush kishte postuar një mesazh paralajmërues duke shkruar se kjo verë do jetë shumë e nxehtë. Unë u them kërcenuesve: Mos guxoni t?i afroheni Teatrit Kombëtar as edhe me një shkrepse se kjo nuk merr flakë, harrojeni!? ngriti zerin e protestës  Derhemi./CNA.al





Lajmet e fundit nga