Vendimi i Apelit për Tahirin/ Cili gjyqtar u korruptua?

19 Qershor 2018, 09:15, Aktualitet CNA

Prokuroria për Krime të Rënda, më herët ka zgjatur edhe me tre muaj hetimet për deputetin e PS-së dhe ish-ministrin e Brendshëm, Saimir Tahiri.

Afati i hetimeve përfundon më 17 qeshor 2018.

Kujtojmë se hetimet janë zgjatur edhe me tre muaj në muajin mars të këtij viti, së bashku me hetimet për ishzyrtarët e Policisë, Jaeld Çela e Gjergji Kohila.

Këta të fundit janë në kërkim për shpërdorim detyre dhe trafik droge.

Prokuroria e Krimeve të Rënda dyshon se ministri i Brendshëm, Saimir Tahiri, ka pasur lidhje me grupin e trafikut të drogës të Moisi Habilajt, i cili po gjykohet në Katania të Italisë.

Prokuroria në vijimësi ka kërkuar arrest me burg për Saimir Tahirin, për shkak të cilësisë që ai ka patur.

Sipas organit të akuzës, Tahiri ka qenë Ministër i Brendshëm dhe ende mund të ketë përfitime nga ky post.

Pasi dorëzoi mandatin e deputetit, Gjykata e shkallës së parë për Krime të Rënda, vendosi masën ?arrest shtëpie? për Saimir Tahirin.

Çështja më tej kaloi në Apel, dhe falë një vendimi të dytë, Saimir Tahiri u la që të hetohej në gjendje të lirë.

Vendimi i gjykatës është shoqëruar me debate të forta, në rrethin politik por edhe në rrethin e drejtësisë, pasi më herët ambasadori amerikan në vendin tonë Donald Lu, paralajmëroi se kanë informacione për për presione dhe ryshfete ndaj gjykatësve.

?Kemi dëgjuar disa raportime nga burime të pavarura për presione serioze në këtë çështje, përfshirë edhe ryshfete që u janë ofruar gjykatësve. Ne i bëjmë thirrje shoqërisë civile dhe medias që ta vëzhgojnë këtë çështje me vëmendje, në mënyrë që vendimi të bazohet mbi provat dhe ligjin dhe jo mbi presione, kërcënime apo para. Askush nuk është mbi ligjin?, ka thënë Donald Lu.

Edhe pas vendimit të Gjykatës së Apelit për Krime të Rënda, Ambasada Amerikane, tha për mediat, se i qëndronte deklarimit të mëhershëm të diplomatit Lu.

Ndërkaq, është mësuar se ka qenë gjyqtarja Saida Dollani, kundër ndryshimit të masës së sigurisë për Tahirin, por ajo është kundërshtuar nga gjyqtarët Sokol Binaj dhe Fehmi Petku.

Pavarësisht këtij vendimi Prokuroria, nuk ka hequr dorë nga hetimet, madje ka shkuar edhe më tej, ndërkaq, gjyqtari i korruptuar mbetet enigmë./CNA.al