web counter
LEXO PA REKLAMA!

SHKARKO APP

App Store
Google Play

E fundit!

x

I marrin 150 mijë euro/ Mashtruesit gjeorgjianë lenë me "gisht në gojë" kambistin shqiptar

18 Qershor 2018, 19:18, Aktualitet CNA

Dy shtetas gjeorgjianë, respektivisht, Davit Bakhtashvilli dhe Revazi Akobia,  në bashkëpunim me njëri-tjetrin, kanë mashtruar duke arritur të përvetsojnë 150 mijë euro false, pronarit të një zyre këmbimi valutor në  kryeqytet.

Referuar denoncimit që kambisti i grabitur ka bërë në polici mësohet se dy gjeorgjianët i kishin kërkuar pronarit të këmbimit valutor konvertimin e eurove me prerje të vogël, në kartëmonedha me prerje të mëdha 200 dhe 500 euroshe, duke e joshur me pagesë plus të këtij shërbimi.

Ndërsa pronari i pikës së këmbimit valutor u ka dhënë atyre 150 mijë euro të rregullta, mashtruesit gjeorgjianë i kanë vënë në dorë atij 150 mijë euro, plus pagesën e këmbimit, me kartëmonedha të falsifikuara. Një mashtrim të cilin i dëmtuari e ka pikasur vonë, ndërkohë që dy mashtruesit gjeorgjianë ja kishin mbathur duke humbur çdo shenjë identifikimi .

“Përveç emrit dhe mbiemrit të shënuar në pasaportë, për ata nuk ka asnjë të dhënë tjetër, atësi apo vendbanim. Me gjithë letërporositë që u janë dërguar autoriteteve gjeorgjiane, deri tani nuk ka asnjë përgjigje. Madje, edhe Gjykata e Tiranës nuk ka pranuar të nisë gjykimin ndaj dy shtetasve gjeorgjianë, pa marrë më parë të dhëna të sakta mbi gjeneralitetet e tyre”, kanë bërë të ditur burime konfidenciale të CNA.al pranë Policisë së kryeqytetit.





Lajmet e fundit nga