web counter
LEXO PA REKLAMA!

SHKARKO APP

App Store
Google Play

E fundit!

x

Atentatori i Hajdarit "Qytetar Nderi"/ Tërhiqet Rama

18 Qershor 2018, 15:20, Aktualitet CNA

Vendimi për të shpallur qytetar nderi të Hasit ish-deputetin Gafur Mazreku, i cili është atentatori i Liderit të Dhjetorit, ish-deputetit të PD-së në vitin 1997 Azem Hajdari, ka shkaktuar një sërë reagimesh.

Partia Demokratike e ka quajtur këtë vendim si një hakmarrje të kryeministrit Edi Rama.

Pas këtyre debateve të krijuara ka reaguar edhe vetë zyra e Kryeministrit, duke u distancuar nga ky vendim.

Në një njoftim të sapo shpërndarë madje theksohet se vetë kryeministri Rama është angazhuar në këtë çështje dhe i kërkon Prefektit të Kukësit të mos e firmosë vendimin.

Më tej Kryeministri shpreh keqardhjen për sulmet e shëmtuara ndaj tij, lidhur me një vendim të Këshillit Bashkiak të Hasit, me të cilin ai jo vetëm s?ka asnjë lidhje, por e konsideron një provokim të papërgjegjshëm, të kujtdo që e ka propozuar dhe ka miratuar.

po ashtu mësohet se sot në mbledhjen e grupit parlamentar e ka dënuar këtë shfaqje të shëmtuar papërgjegjshmërie të këshilltarëve të Hasit, pavarësisht se në Këshillin Bashkiak të Hasit Partia Socialiste ka vetëm një këshilltar, i cili nuk ka votuar pro vendimit. /CNA.al





Lajmet e fundit nga