web counter
LEXO PA REKLAMA!

SHKARKO APP

E fundit!

x

“Treshja e Babales”/ Ja, për çfarë po hetohen Salianji, Bardhi dhe Olldashi

18 Qershor 2018, 13:00, Aktualitet CNA

Partia Demokratike, për disa ditë radhazi në muajin maj të këtij viti publikoi  materiale, të cilat sipas tyre ishin prova se Agron Xhafaj është i përfshirë në trafikun e lëndëve narkotike, ndërkohë që kishte si strehë mbrojtje, Ministrin e Brendshëm Fatmir Xhafaj.

Ndër materialet e publikuara nga deputeti demokrat Ervin Salianji dhe zyrtari demokrat Gazment Bardhi ishte një audio-përgjim, në të cilin sipas PD-së, ishte provë e sigurtë që tregonte implikimin e Agron Xhafajt në trafikun e drogës.

Më  vonë në skenë doli dhe personi që mori përsipër autorësinë, gazetari Jetmir Olldashi, i cili pranoi se audio-përgjimi i publikuar, është pjesë e një investimi gazetaresk dhe se pajisja përgjuese i ishte vendosur Albert Veliut,  nga ai.

CNA.al, ka mësuar sot se ndaj këtyre shtetasve, pra deputetit Ervin Salianji, Gazment Bardhit dhe Jetmir Olldashit, Prokuroria e Krimeve të Rënda ka nisur një hetim penal.

Të njëjtët, do të jenë të pandehur për dy vepra penale: ?për kallëzim të rremë dhe shantazh në formën e grupit të strukturuar kriminal?.

Më herët më 21 maj, Ervin Salianji, Gazment Bardhi janë marrë në pyetje nga Krimet e Rënda, në cilësinë e personave që kishin apo që mund të jepnin të dhëna mbi hetimin që kishte nisur organi i akuzës.

Tashmë pozicioni i tyre para Prokurorisë ka ndryshuar dhe nga cilësia e dëshmitarit do të kalojnë në cilësinë e të pandehurit./CNA.al





Lajmet e fundit nga