E fundit!

13:19 Aktualitet

Braho “shuplakë” politikës: Më vjen mirë që SPAK është i papëlqyer nga të dyja kahet

Kreu i SPAK, Klodjan Braho i ka dhënë një shuplakë politik...

PD-LSI bëhen bashkë kundër Reformës në Drejtësi/ Nisin sulmet ndaj vetingut

12 Qershor 2018, 08:26, Aktualitet CNA

Në korrik të këtij viti mbushen plot dy vjet që nga miratimi historik dhe konsensual i Reformës në Drejtësi, por edhe pse e dha votën e saj pro, Partia Demokratike ditët e fundit është shfaqur kategorikisht kundër zbatimit të kësaj reforme.

Deri më sot kanë qenë komponentët e LSI, si: Ylli Manjani, Petrit Vasili apo edhe vetë Monika Kryemadhi ata që kanë hedhur vazhdimisht sulme kundër kësaj reforme, ndërsa dje edhe PD ka vendosur që të bashkohet në këtë strategji.

Deri dje kanë qenë vetëm disa figura të PD që sulmonin reformën në drejtësi në disa pika të veçanta, por në mbledhjen e djeshme të Komisionit të Ligjeve ata ?shpërthyen? të gjithë në unison me njëri-tjetrin në akuza.-raporton gazeta Sot.

Fillimisht ishte demokrati Enkelejd Alibeaj ai i cili deklaroi se sot nuk ka sistem drejtësie për shqiptarët për shkak të reformës në drejtësi. ?Reforma në drejtësi ka shkatërruar sistemin e drejtësisë dhe po shkatërron Gjykatën Kushtetuese e atë të Lartë. Reforma në drejtësi sot i ka prerë krahët dhe shpresat çdo qytetari për të gjetur të drejtën e tyre.

Sistemi i drejtësisë u shkatërrua i pari në mënyrë që kryeministri të mbajë të mbërthyer karrigen e tij?, u shpreh Enkelejd Alibeaj. Më tej ndërhyri demokrati Oerd Bylykbashi, i cili shtoi dozën e sulmeve ndaj reformës në drejtësi. Ai dha sinjale se PD nuk do pranojë miratimin e ligjeve të mbetura të reformës, duke bllokuar procesin. ?Të miratojmë projektligjet e prapambetura kësaj reforme? Akoma beson ti tek reforma në drejtësi që e ke bërë vetë? Sot Shqipëria nuk ka sistem drejtësie. Ka rënë koncepti bazë i shtetit të së drejtës. Sot ne kemi ngelur pa sistem drejtësie. Gjykata Kushtetuese nuk funksionon?, theksoi Bylykbashi.

Nga ana tjetër, sulmet e LSI ndaj reformës në drejtësi nuk munguan as dje. Kreu i grupit parlamentar të LSI, Petrit Vasili në rrjetet sociale vijoi me akuzat se reforma në drejtësi ka shkatërruar drejtësinë dhe Gjykatën Kushtetuese. ?Kapja dhe shpërfytyrimi i reformës në drejtësi dhe vakuumi i qëllimshëm ligjor deri në eliminimin e Gjykatës Kushtetuese dhe të Lartë janë momente kritike anti-integrim?, tha ai. Të dyja partitë politike opozitare artikulimet e tyre kundër reformës në drejtësi i bazojnë tek situata e krijuar në Gjykatën Kushtetuese. Ngërçi në këtë të fundit ka ardhur si pasojë e procesit të vetingut sepse anëtarët e saj kishin probleme me deklarimin e pasurisë, duke mos u rikonfirmuar kështu në detyrë. Pra, sulmi i drejtpërdrejtë i opozitës është ndaj procesit të vetingut. Po ashtu, duhet theksuar fakti se përmes akuzave që po hedhin, PD-LSI po sulmojnë edhe ambasadorët sepse kujtojmë që miratimi i reformës në drejtësi në 2016 me konsensus u krye falë ndërhyrjeve të partnerëve ndërkombëtarë.