E fundit!

10:51 Aktualitet

Helmimi i kursantëve te Akademia e Sigurisë/ Reagon Policia e Shtetit

Në orët e mbrëmjes së djeshme dhe në orët e para të mëngje...

Kuvendi, “makthi” i Kryeprokurores së Përkohshme/ Arta Marku në panik?

11 Qershor 2018, 09:07, Aktualitet CNA

Kuvendi duket se e ?tmerron? Kryeprokuroren e Përkohshme Arta Marku.

Ndoshta ajo nuk mund të harrojë ditën që u zgjodh në krye të Prokurorisë së Përgjithshme, mes flakadanëve dhe tymit.

Në muajin prill ishte parashikuar që kryeprokurorja Marku, të raportojë në Kuvend punën e një-vjeçare të Prokurorisë së Shtetit, apo thënë ndryshe punën e kryer nga paraardhësi i saj Adriatik Llalla.

CNA.al pati konfirmuar zyrtarisht në Prokurorinë e Përgjithshme, se kryeprokurorja Marku brenda muajit prill do të raportojë në Kuvend.

Por, prilli kaloi, gjithashtu edhe maji, dhe kryeprokurorja nuk u pa në Kuvend.

Është e vërtetë që skena politike është nxehtë, por kjo nuk i ka penguar titullarët e institucioneve të tjera që të raportojnë punën njëvjeçare në Kuvend.

Kryeprokurorja e Përgjithshme e Përkohshme Arta Marku ishte parashikuar që të raportonte edhe tek Komisioni i Ligjeve mbi kriminalitetin në vend si edhe në Komisionin e Sigurisë Kombëtare, por as këto raportime nuk kanë ndodhur.

Nuk ka ndonjë njoftim, nëse janë shtyrë këto raportime nga Kuvendi apo nga axhenda e kryeprokurores, për shkak të situatës politike.

Por, në një kohë që Kryeprokurorja e përkohshme merr vendime dhe harton strategji si të ketë mandat të rregullt, edhe raportimi nuk duhej të kishte munguar.

Nëse politika e ka futur në panik, Markun, do të thotë se këto janë pasojat e zgjedhjes mes tymit dhe flakadanëve.

Politizimi i postit të Prokurorit të Përgjithshëm, shpeshherë ka shkaktuar debate jo vetëm në rrethin politik, por edhe më gjerë.

Komentet edhe pse disa nën zë nuk kanë munguar as nga njerëzit e akuzës, duke e quajtur kryeprokuroren Arta Marku, si të zgjedhurën e Kryeministrit Edi Rama.

Por, vetë Marku në të vetmet dalje për mediat, në një emision televiziv, ka thënë se nuk do që ta kujtojë momentit kur është zgjedhur në krye të Prokurorisë së Përgjithshme.

?Nuk dua ta kujtoj atë moment, por pala tjetër reagoi shumë keq, prisja të reagonin më institucionalisht?, tha Marku, duke iu referuar si palë tjetër, Opozitës.

Duke qenë se mediat e tjera i ka diferencuar për arsye që vetë ajo i di, po, në të njëjtin emision, Kryeprokurorja tha se nuk ndjehej e kompleksuar për shkak të mënyrës sesi është zgjedhur.

?Nuk kam pasur dhe nuk do të kem ndikim nga askush në punën time. Proçedurat e zgjedhjes nuk i caktoj unë, e përcakton Kushtetuta dhe ligji organik?, tha konkretisht Marku.

Ndërkohë , disa lëvizje që Marku ka kryer në organin e akuzës, kanë treguar se ndikimi nuk mungon.

Prokuroria nuk është institucion privat që të funksionojë në bazë shoqërish, miqësish, por është institucion shtetërorë, prej të cilit qytetarët-taksapgues presin shumë./CNA.al