E fundit!

13:19 Aktualitet

Braho “shuplakë” politikës: Më vjen mirë që SPAK është i papëlqyer nga të dyja kahet

Kreu i SPAK, Klodjan Braho i ka dhënë një shuplakë politik...

Zbardhet raporti i Fleckenstein për negociatat/ Cilët janë politikanët që BE kërkon të arrestohen?

12 Qershor 2018, 07:37, Aktualitet CNA

Ndërkohë që po afron data kur BE do të votojë pro ose kundër hapjes së negociatave me Shqipërinë, mësohet se ka kërkuar të ngrihen me urgjencë Struktura e Posaçme Antikorrupsion dhe Byroja Kombëtar e Hetimit.

Gazeta ?SOT? ka siguruar raportin e Komitetit të Jashtëm të Parlamentit Europian drejtuar Këshillit të Ministrave të BE.

Mësohet se raporti me 35 pika mban firmën e Knut Fleckenstein dhe aty bëhet një bilanc i përmbushjes së reformave. Përmes tij raportuesi për Shqipërinë përveç kërkesës për hapje negociatash, në dokument i ngarkohen një sërë detyrash politikës shqiptare.

BE ka deklaruar qartë se lufta ndaj korrupsionit duhet të arrijë në politikë. Brukseli pret goditje në të gjitha nivelet. ?Bëjmë thirrje për rritje të vëmendjes ndaj korrupsionit politik dhe publik-privat dhe theksojmë se të dhëna bindëse arrihen vetëm me anë të hetimeve pro-aktive, ndjekjeve penale dhe dënimeve në të gjitha nivelet, duke përfshirë dhe çështjet e nivelit të lartë?, thuhet në raport.

Ajo që BE pret me interes është reforma në drejtësi. Në raport kërkohet që të ngrihet me urgjencë Byroja Kombëtare e Hetimit dhe SPAK, me qëllim që të luftohet korrupsioni. ?Mirëpresim ndryshimet e kohëve të fundit në legjislacionin anti-korrupsion. Theksojmë nevojën për ngritjen sa më të shpejtë të Byrosë Kombëtare të Hetimit, të Gjykatës Speciale dhe të Prokurorisë Speciale kundër Korrupsionit dhe Krimit të Organizuar. Mirëpresim rivlerësimin e personelit të policisë sipas ligjit të vetingut?, thuhet në raport.

Një rëndësi i është kushtuar dhe situatës politike në vend. Fleckenstein në dokument ka kërkuar që palët politike të gjejnë gjuhën e përbashkët mes tyre. ?Përsërisim se dialogu konstruktiv politik, vullneti për kompromis dhe ruajtja e përkushtimit në zbatimin dhe konsolidimin e reformave, janë thelbësore për avancimin e procesit të aderimit të BE?, thuhet aty. Po ashtu është vlerësuar konsensusi PD-PS për të rishikuar ligjin lidhur me financat e partive.