web counter
LEXO PA REKLAMA!

SHKARKO APP

App Store
Google Play

Ekzekutoi me automatik nënën dhe babain/ Zbardhet dëshmia e policit që arrestoi të riun

9 Qershor 2018, 18:56, Aktualitet CNA

Pas ngjarjes së rëndë që ndodhi disa ditë më parë në Peshkopi, ku i riu Qemal Sela ekzekutoi me armë zjarri automatik nënën dhe babain ka ardhur dhe dëshmia e policit që arrestoi 26-vjeçarin.

Ndonëse policia është duke vijuar hetimet për zbardhjen e plotë të ngjarjes, bëhet e ditur se Qemal Sela, flet përçart dhe nuk jep ndonjë të dhënë të dobishme rreth motivit të krimit në familje.

Masakra e Peshkopisë është vënë re nga një patrullë policie e cila ishte duke kaluar rastësisht në këtë zonë.

Polici i cili ka bindur të riun të lëshojë armën, duke i vënë më pas prangat tregon momentet e para kur është hasur me autorin.

Efektivi shprehet se frika që Qemali mund të qëllonte mbi ta.

?Sapo dëgjuam krismat, lëvizëm me mjetin e Policisë andej nga erdhën të shtënat. Dalluam një person që mbante armën në dorë. Nxora shpejt pistoletën nga brezi dhe i bërtita personit: ?Hidhe armën se të qëllova! Kishim frikë se i armatosuri do t?na qëllonte?, shprehet efektivi i Policisë Peshkopi. Pasi ka hedhur armën, e kanë prangosur dhe e kanë dërguar në Komisariatin e Dibrës. ?E dërguam në Polici dhe po e pyesnim përse i vrau prindërit. Ai fliste përçart. Na tha se e kanë burgosur në Angli, se ia kanë futur kokën në kazan me ujë, se e kanë rrahur, etj? sqaroi efektivi i Policisë.

Kujtojmë këtu se dyshimet e policisë janë se i riu mund të ketë probleme me shëndetin mendor.

Bazuar edhe në dëshminë e të afërmve të tij, dyshohet se ai ka pësuar tronditje të fortë psikologjike pasi është kapur nga Policia në Angli. Ai jetonte dhe punonte prej rreth 8 vitesh në këtë shtet.

Kujtojmë këtu se viktimar ishin shtetasit Flamur Sela, 55 vjeç, dhe Zeqimete Sela, 50 vjeçe, të cilët pas ekzekutimit me armë kanë gjetur vdekjen e menjëhershme. /CNA.al





Lajmet e fundit nga