web counter
LEXO PA REKLAMA!

SHKARKO APP

App Store
Google Play

Sherri në lokal/ Arrestohet autori i plagosjes së 28-vjeçarit

8 Qershor 2018, 12:58, Kronika CNA

Policia ka bërë të mundur arrestimin në kohë rekord të autorit të plagosjes se një 28-vjeçari, sot në qytetin e Klosit.

Ngjarja ka ndodhur rreth orës 10:00 në qytetin e Klosit, në verandën e një lokali, ku shtetasit Selami Rami, 35 vjeç dhe Gazmir Pisli, banues në fshatin Platin janë konfliktuar me njeri-tjetrin.

Pas debatit dyshohet se Rami ka plagosur me thikë 28-vjeçarin.

I dëmtuari pasi ka marrë ndihmën e parë mjekësore në spitalin e Burrelit, është dërguar për ndihmë më të specializuar në Tiranë me një helijopter.

Mësohet se i riu ndodhet në gjendje të rëndë shëndetërore.

Njoftimi i policisë:

Kapet dhe arrstohet në kohë rekord autori i cili në qytetin e Klosit plagosi me thikë shtetasin G.P.

Në vijim të informacionit paraprak, ku gjatë paraditës së sotme datë 08.06.2018, në verandën e një lokali, u konfliktuan dy persona, dhe mbeti i plagosur me thikë njëri prej tyre, shërbimet e policisë të Komisariatit Mat, dhe të stacionit të Policisë Klos, vijuan krehjen e zonës për kapjen e autorit, i cili pas plagosjes u largua nga vendi i ngjarjes.

Si rezultat i kontrollit në afërsi të fshatit Pleshë-Klos, u arrit të kapet dhe arrestohet në flagrancë shtetasi:

S.R, rreth 28 vjeç, banues në fshatin Patin-Klos, autori i dyshuar i cili plagosi me thikë shtetasin G.P, i cili po merr ndihmë mjekësore në Tiranë.

Konflikti dyshohet të ketë ndodhur për motive të dobëta (konflikt i çastit).

Në cilësinë e provës materiale është sekuestruar një thikë.(e përdorur nga autori).

Materialet do ti referohen Prokurorisë Rrethit Gjyqësor Mat për veprime të mëtejshme.





Lajmet e fundit nga