E fundit!

11:49 Kronika

Gjendet trupi i pajetë i një gruaje te Liqeni i Thatë

Rreth orës 07:10, shërbimet e Stacionit të Policisë Farkë ...

Falsifikonin dokumenta/ Goditet grupi kriminal, në pranga organizatorët

6 Qershor 2018, 06:53, Kronika CNA

Policia e Elbasanit ka finalizuar operacionin e koduar, ?Premtimi?, ku është bërë I mundur goditja e një aktiviteti kriminal në fushën e Falsifikimit të dokumentave dhe ndihmës për kalim të paligjshëm të kufijeve kundrejt fitimit.

Uniformat blu bëjnë të ditur se janë ndaluar dy shtetas, si organizatorë të kësaj veprimtarie kriminale.

Të ndaluarit janë: Musa Rama, 60 vjeç, lindur në Librazhd, dhe banues në Tiranë dhe Arben Hako, 51 vjeç, lindur dhe banues në lagjen nr.1, Durrës, të dy të dënuar më parë.

Nga kontrolli i banesave të shtetasve të lartpërmendur, janë sekuestruar në cilësinë e provave materiale një automjet me targa AA 630 OD, shtatë telefona celularë, 14 pasaporta biometrike të shtetasve të ndryshëm, 80 copë dokumente në gjuhën Shqipe dhe Gjermane, 35 copë certifikata personale dhe familjare shtetasish të ndryshëm si dhe 13 copë certifikata shkolle dhe trajnimesh , dhe një sasi parash prej 850 euro .

Njoftimi i policisë:

Finalizohet operacioni policor i koduar “Premtimi”.

Goditet aktiviteti kriminal në fushën e Falsifikimit të dokumentave dhe ndihmës për kalim të paligjshëm të kufijeve kundrejt fitimit.

Operacioni pas një hetimi disa mujor me metoda Speciale të Hetimit.

Operacioni nga DVP Elbasan, në bashkëpunim me Prokurorinë e Rrethit Gjyqësor Elbasan.

Kapen dhe ndalohen dy shtetas si organizatorë të kësaj veprimtarie kriminale.

Sekuestrohen pasaporta biometrike, dokumenta dhe certifikata të falsifikuara, si dhe 850 Euro.

Nga ana e Seksionit për Trafiqet e Paligjshme në DVP Elbasan, në bashkëpunim me Prokurorinë e Rrethit Gjyqësor Elbasan, është finalizuar me sukses operacioni ? PREMTIMI?, ku është bërë e mundur kapja e dy personave të shpallur në kërkim dhe ekzekutimi i vendimit Gjykatës së Rrethit Gjyqësor Elbasan, e cila më datë 04.06.2018 ka caktuar masën e sigurisë ?arrest në burg? për dy shtetasit :

Këta shtetas në bashkëpunim me njëri- tjetrin kryenin këtë aktivitet kriminal prej disa kohësh në territorin e Shqiperisë, përkundrejt përfitimit ku mundësonin dërgimin e shtetasve të ndryshëm në drejtim të Anglisë, Gjermanisë e vendeve të tjera të Europes, duke e bërë të mundur me fallsifikimin e dokumentave dhe përdorimin e formave dhe metodave të tjera, përkundrejt shumave në vlera 10 mijë deri në 16 mijë euro për person.

Kapja e këtyre shtetasve u bë nga Strukturat e Drejtorisë Vendore të Policisë Elbasan, në bashkëpunim me Drejtorinë Vendore të Policisë Tiranë.

Vazhdon puna hetimore edhe ndaj personave të tjerë bashkëpuntor të impilikuar në këtë aktivitet kriminal.

Materialet ju dërguan Prokurorisë së Rrethit Gjyqësor Elbasan.

Ngjarja ka ndodhur në orët e para të mëngjesit të sotëm, pranë fshatit Knallë.