E fundit!

22:46 Aktualitet

Deklarata e Paunoviç/ Sveçla: Nuk është personale, reflekton qëndrim të Serbisë

Ministri i Brendshëm në Kosovë, Xhelal Sveçla ka folur mbr...

Tre përqindëshi i banesa sociale/ Zbulohet skema e zhvatjes nga “Lali Eri "

7 Qershor 2018, 08:38, Aktualitet CNA

Në kuadër të përpjekjeve të qeverisë për përmirësimin e politikave sociale, vjen edhe një risi me ligjin për banesat sociale. Risia më e fundit shpaloset dhe trupëzohet me zhvatjen e 3% të sipërfaqes funksionale nga kushdo që aplikon për leje ndërtimi për mbi 2000 metra katrore.

Risia është shumëdimensionale.

E para, qasja robinhudiste e qeverisë, merrja të pasurve dhe jepua të varfërve.

?Nëse qeveria qendrore dhe masha e saj, ajo vendorja në Tiranë dhe në shumicën e bashkive në vend, mendon se kështu përmirësohet klima e biznesit, e sidomos e ndërtimit, ka gabuar rëndë.

Por, nuk duket se kjo Rilindje gabon kollaj në qasjet e veta të kamufluara si kaotike. Sikur çdo gjë tjetër të shkonte mirë në këtë vend, përfshi transaksionet e rregullta me banka dhe informalitetin që ka përmbytur ekonominë dhe financat, përsëri kjo iniciativë do të dështonte në koncept, parime, por edhe praktikë.

Sepse, minimalisht këto kosto do t?u faturoheshin nga vetë ndërtuesit tek pjesa tjetër e klientëve-blerës, të cilët do të paguanin sërish një taksë të re, të cilën e ka detyrë qeveria ta menaxhojë.

E dyta, kamuflimi populist i qeverisë për të ndihmuar shtresat në nevojë.

Parë në këtë këndvështrim, si gjetje konfuzuese dhe e kamufluar makiavelisht, qeveria sërish kërkon t?u hedhë sy shtresa në nevojë, një vit para zgjedhjeve lokale dhe një vit pas fillimit plot skandale dhe apati të mandatit të dytë.

Ky kamuflim nuk mbaron këtu, por zgjatet, zgjerohet e thellohet edhe në justifikimin që po i bën Lali Erit të Tiranës për premtimin ?zero ndërtime?, apo ?lali i erërave? të bashkive rilindiste anembanë.

E treta, është edhe një allishverish që qelbet erë me lavatriçet e parave përmes ndërtimit për t?iu kërkuar të pastrojnë edhe më shumë edhe më shpejt para me lejet e reja dhe të pafundme.

E katërta, është një ngutje për të grabitur më shumë.

Në një kohë kur super-Ministria e Ekonomisë dhe Financave ka plot halle dhe probleme me menaxhimin e buxhetit, mbledhjes së të ardhurave dhe menaxhimin e pronave në zhdukje shtetërore, nuk ka asnjë institucion dhe as bazë ligjore rregullatore të mjaftueshme dhe funksionale për të menaxhuar këto sipërfaqe.

Kush mund të thotë se, fjala vjen, për një pallat që do të ndërtojë iks-ndërtues në mes të Tiranës, 3% e sipërfaqes së tij do t?u shkojë shtresa në nevojë? Si do të ndodh kjo?

Asnjë nga relatorët e këtij ligji, nuk mund të argumentojë që një familje në nevojë për strehim, do të përfitojë nga ky ligj çudibërës dhe mesiatik, dhe nga barakat e Tufinës do ta shohë veten në katin e 17-të, në mes të sheshit Skenderbej.

Atëherë, kush do t?i marrë këto 3%-sha? Përsëri do të jetë tarafi politiko-grabitqar që do të përfitojë ?në emër të popullit?, kur populli rropatet për një vizë jashtë apo punë në vend.

E pesta, hi syve.

Është një turbullirë e rradhës, një shashkë politiko-qeverisëse që kërkon të shkaktojë debat artificialisht, në formatin që, nëse ecën, vjedhim më shumë, po edhe nëse nuk ecën, sërish fitojmë shmangien e vëmendjes nga problemet përherë e më të mprehta të keq-qeverisjes.? Pra, gjithsesi, ideatorët dhe promotorët dalin të fituar deri në një shashkë të dytë pseudo-ligjore.

Pyetja është, deri kur? Deri kur do të qeverisemi me palaçollëqe të tilla?/CNA.al