web counter
LEXO PA REKLAMA!

SHKARKO APP

App Store
Google Play

Një tjetër bankë private në shitje/ Zbulohen ofertuesit

6 Qershor 2018, 10:39, Aktualitet CNA

Kohët e fundit janë raportuar disa lëvizje në aksionet e bankave në Shqipëri, kryesisht atyre greke që operojnë në vendin tonë.

Pak kohë më parë, NBG (Banka Kombëtare e Greqisë), u ble nga Abi Bank, së fundi është raportuar se banka Societe Generale po tenton bashkimin me UniCredit. Banka Franceze Societe Generale ka filiale në Shqipëri dhe është banka e pestë më e madhe në vend dhe kjo do të kishte një efekt edhe në tregun bankar shqiptar.

Gjithçka ngelet ende për tu parë në këtë rast pasi pak javë më parë mediat bullgare njoftuan se Societe Generale po tërhiqej nga Europa Qendrore dhe Lindore, përfshirë edhe Shqipërinë.

Ndërkohë që po ndodhin shitje dhe tentativa bashkimi apo largime, një tjetër bankë e rëndësishme e tregut shqiptar është duke kryer procedurat e shitjes.

CNA.al mësoi se Tirana Bank, ka marrë pesë oferta pasi nxori aksionet e saj në shitje.

Mësohet se disa nga ofertuesit janë një bankë libaneze, Fibank, Union Bank, Balfin Group dhe Abi Bank.

Duke qënë se ofertat janë duke u vlerësuar, ende nuk ka informacion të plotë se kush do të jetë fituesi, por një gjë është e sigurtë, Tirana Bankë është duke u shitur./ CNA.al





Lajmet e fundit nga