E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Ligji për Avokatinë/ Kush janë deputetët në konflikt interesi

6 Qershor 2018, 10:15, Aktualitet CNA

Komisioni Parlamentar i Ligjeve ka diskutuar dje nen për nen projektligjin ?Për profesionin e avokatit?, nismë e cila vjen në kuadër të Reformës në Drejtësi.

Në diskutim ishin të pranishëm vetëm anëtarët e mazhorancës, ndërkohë që nga anëtarët e opozitës, merrte pjesë vetëm deputeti in LSI-së, Nasip Naço.

Por ajo që ra në sy gjatë mbledhjes ishte përplasja mes deputetëve të Partisë Socialiste, të cilët kanë pasur licenca avokati, me eksperten ligjore të misionit të Bashkimit Europian, EURALIUS.-raporton gazeta Panorama.

Sipas po kësaj gazete, Komisioni i Ligjeve ka në përbërjen e tij disa deputetë të majtë, të cilët për shkak të mandatit kanë hequr dorë nga ushtrimi i profesionit të avokatit.

I tillë është deputeti i Vlorës, Alket Hyseni i cili ka qenë drejtues i firmës ligjore Associates. Ai është një ndër debutuesit e fortë të projektligjit për ?Profesionin e avokatit? në Shqipëri, por duke qenë se familja e tij zotëron një firmë ligjore, atëherë ai mund të konsiderohet dhe në konflikt interesi edhe pse ka hequr dorë nga zyra ligjore.

Në CV-në e tij thuhet se: ?Dr. Alket Hyseni ka një karrierë të gjatë e të larmishme akademike, administrative dhe politike. Ka ushtruar funksione të larta drejtuese në administratën shtetërore, duke filluar në Drejtorinë e Përgjithshme të Doganave, për të vazhduar më tej me themelimin dhe drejtimin e studios ligjore ?Hyseni & Associates?, për ta bërë atë një nga studiot më prestigjioze në vend??, thuhet në CV-në e tij.

Ndërkohë, relatori i projektligjit është ish-avokati tjetër, Andor Shameti.

Edhe në CV-në e tij theksohet se ka ushtruar këtë profesion, ndërkohë që ka qenë i regjistruar me NIPT avokati edhe në Qendrën Kombëtare të Biznesit.

Këta janë vetëm disa nga emrat e deputetëve që kanë studio ligjore.

Ka edhe të tjerë deputetë, si nga ana e mazhorancës ashtu edhe nga opozita, të cilët kanë studio ligjore, por që nuk I kanë regjistruar në emrin e tyre. Studiot janë regjistruar ne emër të bashkepunëtorëve të tyre.