web counter
LEXO PA REKLAMA!

SHKARKO APP

App Store
Google Play

Ish-kryeprokurori në arrati/ KPA vendos sot për fatin e Adriatik Llallës

6 Qershor 2018, 07:34, Aktualitet CNA

Ish-kryeprokurori Adriatik Llalla do të përballet sot me Kolegjin Apelimit, një një seancë ku do të vendoset nëse do t?i nënshtrohet apo jo procesit të vettingut.

Komisioneri Publik e ka quajtur të padrejtë vendimin e marrë nga KPK për ndërprerjen e vettingut ndaj ish-kryeprokurorit Adriatik Llalla dhe tashmë fati i ish-Prokurorit të Përgjithshëm, Adriatik Llalla është në dorë të Kolegjit të Posaçëm të Apelimit.

Vetë ish-kreu i akuzës nuk ishte i pranishëm në séance, ndërsa ka paraqitur përmes avokatit Hazizaj një prokurë të lëshuar nga Turqia dhe të firmosur në Stamboll më 28 dhe 29 maj, si nga noteri turk ashtu edhe nga ish-kryeprokurori për ta përfaqësuar, dhe që u pranua nga Kolegji.

Avokati i ish-kryeprokurorit, Sokol Hazizaj e ka kundërshtuar pretendimin e shtruar nga komisioneri Ballhysa gjatë seancës dëgjimore. Sipas Hazizajt, Llalla ka ndjekur rrugën e duhur ligjore dhe ka njoftuar për dorëheqje Presidentin e Republikës me anë të një shkrese që ishte nisur në rrugë postare.

Kujtojmë se ish-kryeprokurori Llalla është nën hetim nga Prokuroria për Krime të Rënda.

Veprat penale, për të cilat po hetohet Llalla përfshijnë ?refuzimin për deklarim, mosdeklarim, fshehjes ose deklarimit të rremë të pasurisë?, mosdeklarim të shumave të të hollave në kufi?, ?pastrim të produkteve të veprës penale? dhe ?shpërdorim detyre?.





Lajmet e fundit nga