web counter
LEXO PA REKLAMA!

SHKARKO APP

App Store
Google Play

Llalla në KPA/ “Përplasen” avokati dhe komisioneri publik, ja kur jepet vendimi

6 Qershor 2018, 11:31, Aktualitet CNA

Kolegji i Posaçëm i Apelimit po zhvillon seancën e dyte për vlerësimin e vendimit të KPK nëse ish-kryetari i organit të akuzës, Adriatik Llalla, do t?i nënshtrohet ose jo procesit të vettingut.

Vetë Llalla nuk ka qenë i pranishëm në sallë, por përfaqësohet nga avokati i tij Sokol Hazizaj.

Komisioneri publik Florian Ballhysa kërkoi prishjen e vendimit të KPK për Llallën, për ndërprerje të procesit të rivlerësimit.

Ballhysa theksoi se Llalla është ende magjistrat, pasi sipas tij dorëheqja e ish-kryeprokurorit nuk është shprehur përmes formës dhe procedurës ligjore, prandaj është nul.

?Pa u materializuar dorëheqja në formën e procedurën e parashikuar në ligj nuk mund të prodhojë asnjë efekt juridik, qoftë ky dhe ndërprerja e procedurave të vlerësimit kalimtar. A është nënshkruar nga vetë magjistrati dorëheqja kur dorëheqja është bërë me postë? Ditën që mbaron mandati i institucionit të rivlerësimit, gati 4 vite më pas nga dita e sotme që po zhvillohet ky gjykim, ai ka gjithë të drejtën të kërkojë rikthimin në sistem duke mos e kaluar kurrë kështu procesin e rivlerësimit?, tha Ballhysa.

Ndërkohë avokati i Llallës, Sokol Hazizaj thotë se komisioneri nuk iu referua argumenteve të seancës së mëparshme.

Pas dëgjimit të fjalës së Komisionerit Publik dhe palës mbrojtëse, trupa gjykuese bëri të ditur se vendimi për Llallen do të jepet ditën e hënë.

Procesi ndaj Adriatik Llallës u ndërpre nga Komisioni i Pavarur i Kualifikimit pas dorëheqjes së ish-kryeprokurorit nga e drejta për t?u emëruar gjyqtar apeli dhe rrjedhimisht nga i gjithë sistemi i drejtësisë./ CNA.al





Lajmet e fundit nga