web counter
LEXO PA REKLAMA!

SHKARKO APP

App Store
Google Play

E fundit!

x

Prokurorja që dashuron dollarët/ Anila Leka “vë kokën në gijotinën” e Vettingut

3 Qershor 2018, 09:28, Aktualitet CNA

Komisioni i Pavarur i Kualifikimit do kalojë të hënën  në sitën e Vetingut prokuroren në Prokurorinë e Përgjithshme, Anila Leka.

Komisioni Pavarur i Kualifikimit ka shpallur trupën gjykuese që përbëhet nga Firdes Shuli, Roland Ilia, Suela Zhegu.

Prokurorja e Leka, e cila është një nga kandidatet për Këshillin e Lartë të Prokurorisë, do të jetë subjekt rivlerësimi në KPK.

Nga hetuese, nëse kujtojmë rastin e Tom Doshit,  prokurorja Anila Leka  do të shndërrohet në e hetuar për pasurinë.

Dy vite më parë, deputeti Tom Doshi është marrë në pyetje për mëse dy orë në Prokurorinë e Përgjithshme.  Doshi ka dhënë shpjegime në zyrën e prokurores Anila Leka e cila po hetonte pasurinë e  tij.

Kujtojmë se Doshi me gjithë avokatin kanë dhënë shpjegime dhe kanë dorëzuar  dokumente justifikuese per shumat monetare dhe pasuritë në emër të Tom Doshit.

Ndërsa çështja e Doshit, është ende në dyer të drejtësisë, këtë radhë vendin e tij, për hetim pasuror e zë vetë prokurorja Anila Leka.

Në formularin e deklarimit të pasurisën të siguruar nga CNA.al,  prokurorja Anila Leka, duket se nuk ka një marrëdhënie të mirë me lekun si monedhë.

Ajo jeton dhe punon në Shqipëri, por me dashurinë për dollarin.

Në Shqipëri, krimi i organizuar dhe korrupsioni, nuk ?pranojnë? të hetohen nga prokurorë dosido.

Nëse veshjet nuk kushtojnë mijëra dollarë, nëse çantat dhe këpucët, nuk janë të modës së fundit, një prokurore nuk ?pranohet? të futet në institucionin e Prokurorisë, dhe aq më pak në institucionin e Këshillit të Lartë Prokurorial.

Prandaj krimi i organizuar dhe korrupsioni janë ulur këmbëkryq në vendin tonë, se na mungojnë prokurorët dhe prokuroret jo simpatike, se iu mungojnë veshjet dhe makinat e shtrenjta dhe se iu mungojnë vilat luksoze.

Pasuria e deklaruar nga prokurorja Anila Leka

Pakësuar gjendja cash në lekë për vitin 2016, në shumën 1.860.000 lekë. (Shuma e artikuluar në vite, aktualisht 0, pasi pjesërisht është komvertuar në dollarë dhe pjesërisht kaluar në bono thesari).

Shtuar gjendja cash në dollarë për vitin 2016, në shumën 4 500 dollarë (Ishte  7 000 dollarë dhe aktualisht gjendja është 11 500 dollarë me burim nga të ardhurat nga paga dhe gjendja cash.

Bono thesari 1 500 000 lekë me datë emetimi 25,02,2016 (Me burim gjendje cash 1.500.000 lekë)

Gjendje në llogarinë rrjedhëse të pagës me datë 31.12/2016 krijuar nga kreditimi i pagës vjetore në funksionin e prokurores dhe interesate  Boneve të thesarit në shumën 130.446 lekë.

Paga vjetore neto në funksionin e prokurorres në Prokurorinë e Përgjithshme për vitin 2016. Të ardhurat neto 1 587 432 lekë.

Të ardhurat nga interesat më Bono thesari (Kaluar me transfertë bankare me datë 24.10.2016. Të ardhurat neto 16,101.12  lekë).

Të aedhurat nga interesa në bono thesari (kaluar me transfertë bankare me datë 05/04/2016 ). Të ardhura neto 25,208.67 lekë.

Pakësuar gjendja cash në lekë për vitin 2016 në shumën 1 860 000 lekë. /CNA.al

 

 

 





Lajmet e fundit nga