web counter
LEXO PA REKLAMA!

SHKARKO APP

App Store
Google Play

E fundit!

x

Burri rreh gruan në mes të rrugës, reagimi i kalimtarëve bëhet viral

2 Qershor 2018, 10:25, Lifestyle CNA

Ky është momenti dramatik i një burri i cili rreh ish-gruan e tij në një nga rrugët e Stambollit, ndërsa video është bërë virale menjëherë pasi u publikua në tv turke.

Pamjet tronditëse tregojnë gruan e cila është e pambrojtur ndërsa burri e qëllon papushim në kokë. Ai ka mbështjellë një copë druri me letra dhe vazhdon ta qëllojë gruan deri sa ajo bie në gjunjë dhe përgjërohet për ndihmë.

Në një moment ish-burri i saj ndalon sulmin dhe në atë moment shihet një njeri tjetër teksa vjen me vrap dhe e rrëzon agresorin.

Rreth tyre mblidhen shumë kalimtarë të tjerë burra, të cilët mbajnë nën kontroll burrin e dhunshëm.

Një dëshmitar tha:

Ai po e mundonte aq shumë gruan e tij. Ajo po qante dhe bërtiste. Pastaj një kalimtar e rrëzoi. Ishte e tmerrshme. Gruaja po bërtiste. Ajo po përpiqej të mbronte veten. Ky lloj i dhunës është i papranueshëm.”

Dhuna filloi pasi çifti, të cilët besohet të jenë të divorcuar, dolën nga një seancë në Gjykatën e Drejtësisë të Stambollit, raportojnë mediat lokale. Më vonë burri i quajtur Mehmet T. u arrestua, por kalimtarët të cilët e kanë shpëtuar gruan janë përgëzuar nga shumë njerëz që kanë parë videon.

 





Lajmet e fundit nga