E fundit!

11:39 Aktualitet

Rama ka ndërhyrë për Ballukun?/ Braho-opozitës: Paraqitini provat në SPAK

Deputetja Elda Hoti në Komisionin për Nismat Qytetare ka d...

E fshehta e fjalimit të Gridës që habiti Sali Berishën!

1 Qershor 2018, 14:41, Satire CNA

Grida dje u zgjua nga rrezet e diellit që hynë nga dritarja drejt e mbi faqen e saj puthitur mbi jastëk duke e gudulisur e ngrohur. U kthye në krahun tjetër dhe me të njëjtën dashuri rrezet e përqafuan. Ndenji edhe pak në përhumbje me dilemën në duhet të bëjë një video me mesazhe të ngrohta nga krevati për elektoratin e djathtë zhuritur në beteja për demokraci. E la për një ditë tjetër. Ishte ora 9 e mëngjesit, kur e mori Salianji për ta pyetur në fjeti, sa fjeti, qysh fjeti dhe për t’i uruar një ditë mbushur me emocione e adrenalinë si dhe për t’i ofruar çdo shërbim që ajo kishte nevojë deri edhe gjera mekanike si zhbllokimi i ulluqeve në çati në rast shiu.

Pasi e falënderoi gjysmë e përhumbur, por e qetë, u vesh dhe vendosi të shkonte në Parlament, pasi lajmëroi shoferin, rojën dhe fotografin personal se po gatitej. Para se të dilte hëngri dy biskota një lug reçel, pak kokrra qershi dhe dëgjoi një këngë te Celentanos ” amami amami”! Hyri në sallën e Kuvendit mbushur me dëlirësi e ngarkuar me ide. Fjalimin e kishte shkruar një ditë më parë. Jua kishte lexuar edhe Salianjit Vali Dukës dhe Pampurit. Të tre njëzëri kishin shpërthyer në duartrokitje dhe në emfazë.

Gjeniale në raport me historinë – tha Vali.

I papërsëritshëm si stil – theksoi Pampuri.

Shkatërrues për Edi Ramën – tha Saliani, e një lot sa një ulli fshati ju pa në cep të syrit.

Kur socialistët të thyer në mes nga frika ja mbathën nga sytë këmbët, Opozita filloi seancën e saj në facebook. Kur i erdhi radha Gridës ra heshtje e madhe. Ajo filloi “opozita e sotme ka detyrën e vështirë të bëjë gjënë e duhur. Por ka një vështirësi më të madhe se kjo të mos bësh gjënë e duhur kur e e di që duhet bërë. Ju them me bindje që nuk është e vështirë të bësh gjënë e duhur, por është shumë e vështirë të mos e bësh kur e di që është e duhura.

Citoi Galileun, Landfildin dhe 18 të tjerë. Disa herë si refren përsëriti “epur si muove”. Salianji kishte çaplluar sytë si daci në govixh nga kjo lartësi retorike që po e fundoste nga emocionet por që e ngrinte në qiell nga lumturia.

Mendime nga të vetat nuk shpenzoi sepse të njëzetët që citoi i trajtoi bashkolegë”. Aldo Bumçi pyeste Mul Nokën ke dëgjuar të tille kryevepër retorike ti?

Jo vallahi – tha ai, – po më mirë e di Doktori.

Romeo merrte shënime për ta pasur si model për fjalimin e ardhshëm. Luli nuk ishte aq i përqendruar Salianjit nuk i la shije të mirë. Mos ndoshta në familje ka filluar kriza e besimit ndaj tyre si dyshe ??? Ju venit gazi.

Me i habituri ishte Sali Berisha, nuk u besonte veshëve. Kujtonte ditën e parë kur i prezantuan Gridën dhe vendosi t’i hapte dyert e karrierës në PD. Nuk lexohej qartë në ishte i kënaqur apo i mërzitur. Me gjasë ishte e para. Doktori po e sheh PD-në në lartësi që se kishte imagjinuar kurrë më parë, vetëm në 5 vjet.

Grida u ul në ndenjësen e vet pasi Salianji e kishte fshirë me fasoletën e tij përmes shikimesh admiruese. Tani po që e meritonte një shishe verë nga e mira dhe ca buzëqeshje të ëmbla prej atij që i do zemra.

Sali Berishën e goditen pa masë psikologjikisht 20 citimet e sidomos lidhja e tyre logjike si bombë nën këmbët e Edi Rames prej së cilës do t’i digjen poturet. /SATIRË