web counter
LEXO PA REKLAMA!

SHKARKO APP

App Store
Google Play

Deklarata e Ramës për dhunën ndaj Kasmit/ Basha: U vetë-demaskua, kryepushtetari

29 Maj 2018, 17:19, Aktualitet CNA

Kryetari i PArtisë Demokratike Lulzim Basha, ka reaguar pas deklaratës së bërë nga kryeministri Edi Rama lidhur me dhunimin e kryeredaktorit të gazetës “Rilindja Demokratike” (RD), Bledi Kasmi, në protestën e opozitës nga Policia.

Me anë të një postimi në rrjetet sociale, Basha shprehet se, “Qëndrimi i Edi Ramës për dhunën e policisë ndaj gazetarit Bledi Kasmi si çështje e brendshme që nuk meriton vëmendjen e medias ndërkombëtare është i dënueshëm dhe i rrezikshëm. Me këtë qëndrim, Edi Rama vetë-demaskohet si kryepushtetari që nxit dhe mbron dhunën ndaj njerëzve të medias. Paprekshmëria e jetës dhe lirisë së individit dhe liria e shprehjes janë vlera universale dhe themeli i sistemit demokratik perëndimor dhe Bashkimit Europian.”.

Sipas tij, “Është e papranueshme jo vetëm për gazetarët dhe median e lirë shqiptare, jo vetëm për të drejtat e njeriut në Shqipëri, por edhe për aspiratën europiane të Shqipërisë të kemi një kryeministër të tillë që nuk ka lidhje me standartet minimale perëndimore por që ngjan si dy pika uji me autokratët injorantë dhe të dhunshëm të Lindjes. Edi Rama është sot pengesa kryesore e përparimit dhe integrimit europian të Shqipërisë”. /CNA.al





Lajmet e fundit nga