web counter
LEXO PA REKLAMA!

SHKARKO APP

App Store
Google Play

Kriza politike/ Dorëhiqet kryeministri

28 Maj 2018, 09:15, Kosova & Bota CNA

Kriza politike në Itali është thelluar edhe më tej. Presidenti Sergio Mattarella nuk ka miratuar propozimin e partive populiste për zgjedhjen e Paolo Savonas në postin e ministrit të ekonomisë, duke detyruar Giuseppe Conten të heqë dorë nga formimi i qeverisë.

Mattarella ka thënë para mediave italiane se refuzoi emërimin e 81 vjeçarit, Savona, për shkak të qëndrimit të tij euroskeptik dhe kritikave te tij te vazhdueshme ndaj rregullave të Eurozonës.

 ?I pranova të gjithë ministrat, përveç atij të ekonomisë. I propozuari për Ministër i Ekonomisë gjithmonë krijon mesazh alarmi për tregjet financiare. Vazhdimisht kam kërkuar një person që nuk do të provokonte në mënyrë të pashmangshme daljen e Italisë nga euro.?

 Giuseppe Conten, i përzgjedhuri për kryeministër te Italisë pas marrëveshjes mes lëvizjes Pese Yjet dhe Lega Nord hoqi dorë nga përpjekjet për formimin e qeverisë së re.

Mbrëmjen e së dielës ai dorëzoi mandatin presidentit Italian.

Lëvizja 5 Yjet kërkoi shkarkimin e presidentit Sergio Mattarella. Kreu i saj Luigi di Maio, tha se do të kërkojë zbatimin e nenit 90 të Kushtetutës Italiane, e cila ofron mundësinë për ta paditur presidentin për tradhti të lartë ose shkelje të kushtetutës. Sipas Di Maios kreu i shtetit beri qe te dështojnë të gjitha përpjekjet për formimin e një qeverie të përbërë nga Lëvizja Pesë Yje dhe La Lega. Udhëheqësi i lëvizjes Pese Yjet ka kërkuar mbajtjen e zgjedhjeve të reja. Nëse përpjekjet dështojnë, qytetaret italiane do t?i drejtohen serish kutive te votimit pas 3 muajsh krizë politike.





Lajmet e fundit nga