3 parashikime të Steve Jobs në 1985-n që rezultuan të vërteta!

28 Maj 2018, 11:53, Lifestyle CNA

Në tremujorin e parë të vitit 2018, Apple shiti rreth 16 milionë kopje të iPhone X sipas Strategy Analytics, duke u renditur në vendin e parë si smartphone më i shitur në botë. Por 30 vite më parë, themeluesi i Apple, Steve Jobs, e pa të arsyeshme të shpjegonte se kompjuterat do të ishin të dobishëm për njerëzit e thjeshtë.

?Një kompjuter është vegla më e pabesueshme që kemi parë ndonjëherë: mund të jetë një mjet shkrimi, një qendër komunikimi, një planifikues, një skedar apo një instrument muzikor vetëm duke i dhënë udhëzime në software?, tha ai në një intervistë për Playboy në 1985-n.

Në atë kohë, kompjuterat ishin të shtrenjtë dhe të vështirë për t?u përdorur, megjithatë Jobs kishte një vizion të së ardhmes së këtyre pajisjeve. Ja 3 parashikimet e tij që rezultuan të vërteta.

1. Kompjuterat do t?i përdorim në shtëpi, për qejfin tonë.

Para vitit 1985, Apple lançoi kompjuterat: Apple I në 1976, Apple II në 1977, Lisa në 1983 dhe Macintosh në 1984, të cilët përdoreshin më shumë nëpër zyra, por edhe në shtëpi kryesisht nga njerëz që merreshin me punët e bizneseve.

?Por kjo do të ndryshojë. Kompjuterat do të bëhen të rëndësishëm në shtëpinë e çdokujt. Do të përdoren jo vetëm për punë, por edhe për argëtim?, parashikoi Jobs.

2. Kompjuterat do t?i përdorim për të komunikuar me njëri-tjetrin.

?Arsyeja themelore që do t?i shtyjë njerëzit të blejnë një kompjuter në të ardhmen do të jetë rrjeti i komunikimit. Distancat e largëta do bashkohen përmes tyre, njerezit e gjithë hapësirës globale do të komunikojnë me njëri-tjetrin?, ishte parashikimi i dytë i Steve Jobs që rezultoi i vërtetë.

3. Kompjuterat do të kenë mouse.

Edhe pse duket e vështirë për t?u konceptuar, kompjuterat nuk kanë qenë të projektuar me mouse në fillimet e tyre. Para se Apple të lançonte kompjuterin Lisa dhe Macintosh, pajisje të tilla të ngashme nuk kishin mouse, por përdoreshin përmes tastierës dhe disa komandave specifike.

?Do të jetë më e thjeshtë të kopjosh tekste të ndryshme, t?i presësh ato, të editosh të dhëna etj. Një mouse do të na thjeshtësojë punën?, tha ai.

Është pak ironi fakti se ishte pikërisht Apple që popullarizoi touch-screen (ekranin me prekje), që do të sjellë një ditë edhe zhdukjen njëherë e mirë të mouse-it.