E fundit!

08:42 Politikë

Mblidhet sot Këshilli Kombëtar i PD-së/ Pritet zgjedhja e Sekretarit të Përgjithshëm, nënkryetarëve dhe strukturave

Partia Demokratike vijon procesin e riorganizimit të brend...

Dasma mbretërore një sukses për ekonominë britanike: Ja përfitimet

28 Maj 2018, 07:50, Lifestyle CNA

Ka kaluar vetëm një javë nga dasma më e përfolur e vitit ajo e Princ Harry dhe Meghan Markle.

Dhe rezultati është shumë më pozitiv nga sa ishte parashikuar për Britaninë e Madhe.

Në Londër ekziston konsensusi mbi faktin që dasma e Princit Harry-t dhe Meghan Markle, të shtunën e kaluar më 19 maj në ?Windsor?, ka qenë një sukses i vërtetë nga të gjitha këndvështrimet: çifti, familja mbretërore, mediat e mbi të gjitha ekonomia.

Ekonomia britanike, me sa duket do të fitojë jo pak, por 1.2 miliardë stërlina këtë vit, sipas ?Brand Finance?, që është marrë me parashikimet para dasmës dhe me përllogaritjet pas saj.

Sipas përllogaritjeve ekonomike ?Windsor? ka fituar në total 1.5 milionë stërlina më shumë, falë ?Po?-së mbretërore.

Kjo dasëm ka lënë pas për sa u takon fitimeve , dasmën e William dhe Kate Middleton. Kjo, për faktin se Princi William, që është trashëgimtar i fronit pas Princit Charles, për dasmën e tyre në vitin 2011 u dha një ditë pushim të gjithë institucioneve dhe rezultati ishte 1.5 miliardë stërlina prodhim më pak për ekonominë britanike.

Sidoqoftë në vitin 2011, humbja u kompensua nga biznesi që shoqëroi shfaqjen. Por, këtë radhë, dasma mbretërore u mbajt të shtunën dhe nuk pati nevojë të humbeshin miliarda stërlina prodhim, ndaj, kjo e bën më të dukshëm rezultatin pozitiv në fund të llogarive.

Përfitime madje patën edhe ata që ishin ne dasmë. Edhe violinçelisti dhe këngëtarët e korit po përballen me të ardhura rekord pas dasmës. 19-vjeçari Sheku Kanneh-Mason, i zgjedhur personalisht nga princi Harry, për të luajtur në kishën e Shën Xhorxhit, para Mbretëreshës dhe të ftuarve, ka njohur një ngjitje në klasifikim. Albumi i tij është i pari në zhanrin e muzikës klasike për vitin 2018. Disku i tij ka lënë pas edhe rekordin e Julian Lloyd Ëebber, në vitin 1990.

Edhe predikuesi amerikan, Michael Carry, që mori fjalën para një audience gjigande në dasmën mbretërore, tani është një yll mediatik.