E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Financime të dyshimta/ Partitë politike mashtrojnë me donacionet

13 Maj 2018, 08:02, Aktualitet CNA

Zgjedhjet e vitit 2017 u kanë kushtuar shqiptarëve rreth 30 miliardë lekë. Instituti i Studimeve Politike ka nxjerr raportin e shpenzimeve të partive dhe shifrat janë befasuese.

Gjatë 45 ditëve të vitit 2017, të dhënat e Institutit të Studimeve Politike marrë nga deklarimet e vetë partive (të cilat janë relativisht vetëm 30% e shifrave reale të shpenzimeve) dëshmojnë se Shqipëria harxhoi 3.262.815.150 lekë për të zgjedhur 140 deputetë, nga të cilët, 87% ishin zgjedhur sapo u shpallën listat, dhe fushata de fakto bëhej për 13% të emrave në limitet e shanseve për fitore të listave proporcionale.

Referuar të dhënave të vetë partive shpenzimet kryesore u bazuan në buxhetin shtetëror, dhe vetëm një përqindje mjaft e vogël në donacione apo mbledhje të kuotave të anëtarëve, shkruan gazeta Sot.

?Madje, ka parti politike si PD që deklarojnë 0 kuota anëtarësh, diçka absurde dhe natyrisht jo reale, siç partia kryesore në pushtet, PS deklaron vetëm 9 milionë donacione elektorale kur de fakto shifra të tilla kanë qenë vetëm në një zonë elektorale nga 140 zonat në nivel vendi.

Edhe PSD, partia e biznesmenit që mori një mandat në Shkodër deklaron 0 sponsorizime, diçka natyrisht pa lidhje me realitetin. Kushtetuta e Shqipërisë i detyron partitë të bëjnë kurdoherë publike financimet dhe shpenzimet e tyre.

Sistemi ynë ligjor ka krijuar një strukturë drejtimi zgjedhor (KQZ) të përbërë nga të deleguar të vetë partive kryesore, të cilët duhet edhe të kontrollojnë partitë. Është njësoj si të caktosh ca të besuar të një bande në lagje për të ruajtur lagjen nga bandat?, thuhet në raport.

Sipas tij, KQZ e ushtron këtë funksion përmes disa ekspertëve të pavarur, të cilët paguhen nga ai që kontrollojnë, duke qenë ligjërisht 100% në konflikt interesi.

Për më tepër, ata kontrollojnë vetëm statistikat bankare dhe deklaratat e vetë partive, jo vërtetësinë dhe burimin e tyre. Dhe për pasojë, ata kanë vite që deklarojnë se të dhënat e partive janë të rregullta, të qarta, të ndershme, transparente, ? vlerësim ekstremist larg realitetit dhe fyes për qytetarët e shoqërinë.