web counter
LEXO PA REKLAMA!

SHKARKO APP

App Store
Google Play

E fundit!

x

PS mbron falsifikimin e ministrit Xhafaj

11 Maj 2018, 10:05, Aktualitet CNA

Pas akuzave të Partisë Demokratike, ndaj ministrit  të Brendshëm Fatmir Xhafaj, ka reaguar deputetja e Partisë Socialiste, Vasilika Hysi.

Në një postim në rrjetet sociale, Hysi shkruan se kontributin e Xhafajt në Reformën në Drejtësi nuk mund ta baltosë njeri dhe sa i përket akuzave referuar saj, ajo ka thënë se ndihet e keqardhur nga sajesat e opozitës.

Reagimi i plotë i deputetes Hysi: 

Reformën në drejtësi dhe kontributin e Fatmir Xhafës nuk mund ta baltosë asnjëri dhe zbatimin e saj nuk mund ta pengojnë. Reforma në drejtësi do ti ofrojë qytetarëve drejtësinë e munguar.
Më poshtë do gjeni prononcimin tim për ketë çështje, meqenëse më thanë se më është përmendur emri im nga kolegë të opozitës.

Ndihem e keqardhur që opozita sajon histori të pavërteta.

E ndodhur pa ndonjë kauzë dhe në vijim të misionit të saj të nxijë situatën në prag të vendimit të hapjes së negociatave dhe e frikësuar nga ecuria e procesit të vetingut krijon një zhurmajë me shtrembërim të fakteve.

1 Projektligji është produkt i punës së ekspertëve të komisionit të reformës në drejtësi.

Por të artikulohen akuza të tilla, pa marrë gjithë praktikën parlamentare, sidomos kur nuk ke pranuar të kontribuosh në diskutimet e projektligjit është shumë e shëmtuar dhe e dëmshme.

Unë do doja të falënderoja gjithë ekspertët e reformës në drejtësi dhe punonjësit e praktikës që kontribuan dhe veçanërisht kolegun Xhafaj për drejtimin e komisionit të reformës në drejtësi, metodologjinë dhe procesin transparent dhe gjithëpërfshirës.

Faleminderit! /CNA.al





Lajmet e fundit nga