web counter
LEXO PA REKLAMA!

SHKARKO APP

App Store
Google Play

E fundit!

x

Vranë 22-vjeçarin për një karikues/ Lirohen 3 prej të arrestuarve

11 Maj 2018, 08:29, Aktualitet CNA

Gjykata e Tiranës ka vendosur lirimin e tre prej të akuzuarve për vrasjen e 22-vjeçarit, Marvin Mihali.

Të akuzuar për “Moskallëzim krimi”, tre të rinjtë Dejvi Bitraj, Kridens Alla dhe Marsel Alla, u është komunikuar lirimi pak ditë më parë, pasi u kishte mbaruar afati i paraburgimit.

Bëhet e ditur se në burg ka qëndruar vetëm Eugen Bitraj, i cili sipas prokurorisë së Tiranës rezulton të jetë njeriu i vetëm që ka qëlluar me thikë në zemër Marvin Mihalin.

Lirimi i tre të rinjve nuk është pritur aspak mirë nga familjarët e viktimës të cilët e kanë konsideruar këtë një vrasje të dytë për birin e tyre.

Ata kanë bërë me dije se do ta vazhdojnë betejën me drejtësinë.

Në një postim në rrjetet sociale, nëna e viktimës Marvin Mihali shkruan:

?Sot është një ditë e zezë për mua! Marvin tim ma vranë përsëri!. Tre nga kriminelët që bashkëpunuan në vrasje dhe dhunuan trupin e tij, në momentet e fundit ndërsa djali jepte shpirt, prokurori monstër, vampire, demoni, sharlatani, maskarai Artan Lulaj i etur për para, i kishte liruar nga burgu pa e ditur askush!O zot çfarë tmerri!Të shikosh vrasësit e birit të vetëm pa akuzë, të lirë në sallën e gjyqit dhe tek i shihja më dilte parasysh video e ngjarjes, shkelmat e tyre mbi trupin e djalit tim! Sa më e madhe se kaq duhet të jetë dhimbja?Dhe çfarë torturash të tjera duhet të kaloj!Më thoni o njerëz, çfarë duhet të bëj në këtë vend?Si do ta vendos drejtësinë?Ju lutem më ndihmoni??.





Lajmet e fundit nga