E fundit!

15:57 Aktualitet

Shtyhet seanca e Metës në GJKKO/ Ja data e radhës

Seanca në themel në Gjykatën e Posaçme për kreun e Partisë...

Deklarata e fortë e Buzhalës: Erdogan kërkoi arrestimin tim për një status në facebook

10 Maj 2018, 20:59, Aktualitet CNA

Analisti i njohur nga Kosova, Berat Buzhala, i ftuar në ?Të Paekspozuarit?, rrëfeu një ngjarje të pazakontë të raportit të tij me shtetin turk. Buzhala tha se kishte bërë një status qesharak gjatë grushtit të shtetit, por kjo ishte marrë seriozisht nga qeveria turke e cila kërkoi arrestimin tim.

Buzhala shkoi edhe më tej, duke thënë se arrestimin e tij e mbështeste edhe qeveria e asaj kohe e Hashim Thaçit.

Berat Buzhala: Në Kosovë njerzit janë më të ndjeshëm nëse një shtet i huaj interferon pavarësisht se kush shtet është Turqia apo jo. Qytetarët e Kosovës kanë një pëlqim për Turqinë, por jo domosdoshmërisht të Erdoganit. Unë jam talluar me një status në Fb kur u bë grushti i shtetit, ku i ftonte qytetarët e Republikës së Kosovës të cilët janë në pushime në Turqi, t?i bashkangjiten ushtrisë turke. Dhe Turqia u mor me mua, madje edhe Ambasada turke në Kosovë, të gjithë qytetarët ishin me mua, përveç presidentit Thaci. Ministri i Jashtëm ka qënë Enver Hoxhaj, i kanë çuar letër, arrestojeni. Pasi nuk ka qënë puç, ka qenë skemë e Erdoganit.

Buzhala lëshoi gjithashtu akuza të rënda ndaj presidentit Thaçit, për mënyrën sesi e kontrollon sot shtetin e Kosovës.

Berat Buzhala: Gjithë klasa politike, perveç presidentit Thaçi, sepse ai është sistem. Presidenti ynë është më finok se Rama, Thaçi ska thënë asnjë fjalë për Gylen është shumë dinak. Atë që ndodhi me arrestimin e Gylenistëve në Kosovë, e ka bërë Hashim Thaçi. Thaçi sakrifikoi ministrin e Pacollit dhe shefit të shërbimit, prandaj them që Thaci është pjesëtar në qeveri, por me partinë e Pacollit jo partinë e tij PDK. Ai kontrollon cdo institucion në Kosovë, shërbimin ministrtitë etj . Ditën që ata janë arrestuar Thaçi ka folur me Erdogan në telefon. Haradinaj nuk e ka ditur dhe e ka marrë vesh nga Ambasadori Amerikan, pasi aerportin e kontrollojnë turqit. Turqia nuk ka qenë kurrë aleati i Kosovës, pasi në bashkëpunim me Serbinë, kanë bërë spastrim etnik në Kosovë, ku gjysëm million kosovarësh i çuan në Turqi,duke i hequr nga Kosova. Këtë e ka bërë Ataturku dhe pastaj vazhdoi edhe në Kohën e Titos. Çdo ditë në Serbi po hapen fabrika turke, në Serbi ai shkon me investitorë, ndërsa në Kosovë vjen me Imam. Rrjeti energjitik i është shitur turqëve për 20 milion euro, pra falas, pra është marrëdhënie koruptive e njerëzve të Thaçit dhe Erdogan. Në Kosovë nuk mund të flasin për investime t turke, siç ndodh në Serbi. Ska asnjë fabrikë turke në Kosovë. /TPZ.al