E fundit!

10:57 Aktualitet

Rama i nxjerr “simpatizantes” së Iranit foton me kryeshërbëtorin famkeq të Ajatollahëve

Në protestat e zhvilluara prej më shumë se tri javësh në T...

“Shpërthen” tek Krimet e Rënda/ Donika Prela i shpall “luftë” Hajdarmatajt

11 Maj 2018, 09:49, Aktualitet CNA

Kryeprokurorja Donika Prela, nuk ka humbur asnjë minutë kohë për të bërë gati qelinë për ish-kryeprokurorin Adriatik Llalla.

Duket se detyrat dhe porositë Prela i ka marrë të qarta.

Kur nuk kanë kaluar më shumë se 48 orë nga emërimi i saj në krye të Krimeve të Rënda, ajo u ka treguar ?dhëmbët? prokurorëve, me siluetën se nuk do të lejohet asnjë zvarritje hetimesh.

Dosjen hetimore të Adriatik Llallës, e cila më herët ka qenë e regjistruar në Prokurorinë e Durrës, Prela i ka lënë në duar prokurorit Klodian Braho.

Në fakt në këto hetime ka qenë i përfshirë dhe ish-kreu i Krimeve të Rënda Besim Hajdarmataj, por me lëvizjen e fundit, Prela ia ka hequr dosjen nga duart.

A po i shpall ?luftë? kryeprokurorja e re ish-drejtuesit të Krimeve të Rënda?

A do t?ia marrë edhe dosjet e tjera të ndjeshme që Hajdarmataj ka në duar?

Veprimet e Prelës në ditët në vijim priten të zbardhin dhe arsyen e vërtetë të shkarkimit të Besim Hajdarmatajt nga Krimet e Rënda.

CNA.al ka raportuar më herët Hajdarmataj bashkë me prokurorin Klodian Braho, po hetonin Llallën lidhur me pasurinë e këtij të fundit.

Çështja penale kundër Adriatik Llallës ishte transferuar pak ditë më parë tek Krimet e Rënda, pasi akuza e Durrësit gjatë verifikimeve të kryera ka konstatuar shkelje ligjore, për sa i përket makinacioneve që Llalla ka kryer për ritjen e pasurisë së tij, nëpërnjet shtetasve Gazmen Brahimaj dhe Edison Dushku.

Hetimi për Llallën është regjistruar për veprat penale ?Refuzimit për deklarim, mosdeklarimit, fshehjes ose deklarimi i rremë i pasurise, interesave private të zgjedhur dhe nënpunësve publikë ose i çdo personi tjetër që ka detyrimin ligjor për për deklarim?, ?Mosdeklarimit të shumave të të hollave ne kufi?, ?Pastrimit të produkteve të veprës penale? dhe ?Shpërdorimit të detyrës?. Ish-kryeprokurori Llalla prej muajsh ndan kohën e tij ndërmjet Shqipërisë dhe Gjermanisë, ku jeton edhe familja e tij pas një largimi të ngutshëm në mesin e vitit 2016.

Objekt i hetimit do të jetë edhe shitja e një sipërfaqeje toke ullishtë prej 3 mijë metrash katrorë në Mjull të Bathores në Tiranë. Sipas deklarimeve në ILDKPKI të Adriatik Llallës, ai e ka shitur këtë pronë duke përfituar 250 mijë euro. Më 16 shkurt të këtij viti, Komisioni i Pavarur i Kualifikimit ndërpreu procesin e vetingut për Llallën, por nuk bëri asnjëherë publik rezultatet.

Llalla me 16 Maj do të dalë përpara KPK (Komisionit të Pavarur të Kualifikimit) në seancë dëgjimore publike për Vettingun./CNA.al