web counter
LEXO PA REKLAMA!

SHKARKO APP

E fundit!

x

Orët e Llallës të numëruara/ Gati prangat

10 Maj 2018, 07:43, Aktualitet CNA

Ngushtohet rrethi i lirisë për ish-kryeprokurorin Adriatik Llalla.

Pas veprimit të Kryeprokurores së përkohshme Arta Marku, e  cila dje bëri lëvizjen e radhës në organin e  akuzës, duke shkarkuar kreun e Krimeve të Rënda Besim Hajdarmataj, hetimet ndaj Llallës kanë marrë përmasa të tjera.

Kujtojmë se në vend të Hajdarmatajt është komanduar Donika Prela. Kjo lëvizje në organin e akuzës ka ardhur pas refuzimit të Hajdarmatajt për arrestimin e ish-kryeprokurorit të shtetit Adriatik Llalla.

Prokurorja e komanduar Donika Prela, thuhet se është emëruar në krye të Krimeve të Rënda me qëllim prangosjen e ish-kryeprokurorit Llalla.

Sipas rrethanave të reja që janë krijuar, ish-kryeprokurori Adriatik Llalla mund të arrestohet nga momenti në moment.

Arrestimi i Adriatik Llallës është kërkuar më herët, por zyrtarisht, hetimet ndaj tij kanë nisur në muajin mars.

Prokuroria e Durrësit, e drejtuar nga Donika Prela, e ka nisur procedimin penal ndaj Llallës në 15 mars 2018.

Dosja me numrin 447 përmban 4 veprat penale: Deklarimi i rremë i pasurisë, mosdeklarimi i shumave të të hollave ne kufi, pastrimi i produkteve të veprës penale dhe shpërdorim detyre./CNA.al





Lajmet e fundit nga