web counter
LEXO PA REKLAMA!

SHKARKO APP

App Store
Google Play

E fundit!

x

Çelja e negociatave sot u lëkund

9 Maj 2018, 19:25, Aktualitet CNA

Partia Demokratike denoncoi dhe publikoi sot dosjen e vëllait të Ministrit të Brendshëm, Fatmir Xhafaj, i cili rezulton i dënuar me vendim të formës së prerë nga gjykata italiane për trafik ndërkombëtar droge.

Kështu sot Shqipëria është i vetmi vend që ka një ministër të Brendshëm, vëllai i të cilit është i dënuar për pjesëmarrje në trafikun ndërkombëtar të drogës.

Pas denoncimit të bërë nga PD, reagoi edhe vetë ministri Xhafaj, i cili ndryshe nga herët e tjera, sot pranoi se ndaj vëllait të tij kishte një vendim të tillë.

Xhafaj e pranoi, por tha se nuk e implikon qeverinë. Por në fakt, Shqipëria sot është një nga vendet e pakta në botë, që Ministri i Brendshëm ka vëllain të dënuar për trafik ndërkombëtar droge në një vend të BE.

Kjo është balta dhe llumi që ministri i Brendshëm i hedh Shqipërisë, në prag të votimit nga vendet anëtare në KE, për hapjen e negociatave për anëtarësim në BE. Kjo baltë e hedhur nga vetë ministri i Brendshëm, sot lëkundi statusin e vendit kandidat dhe mundësinë e hapjes së negociatave për anëtarësim në BE, në qershor.

Ish-ministri i drejtësisë Ilir Rusmali, dha dorëheqjen pasi vëllai i tij, kishte kërkuar ndihmë për një tender në Drejtorinë e Përgjithshme të Burgjeve, një standard i lartë për atë kohë i vendosur nga Rusmali.

Sot ky standard u shkatërrua nga Fatmir Xhafaj, e njëherësh “lëkundi” mundësinë e çeljes së negociatave për anëtarësim në BE. /CNA.al





Lajmet e fundit nga