web counter
LEXO PA REKLAMA!

SHKARKO APP

App Store
Google Play

Me çfarë e kërcënon Xhafaj, kryeministrin Rama?

10 Maj 2018, 11:07, Aktualitet CNA

Partia Demokratike që prej disa ditësh ka nisur sulmet ndaj ministrit të Brendshëm Fatmir Xhafaj, duke nxjerrë në skenë vëllanë e tij nën siglën e trafikantit të kokainës.

Një ditë më parë, PD publikoi prova, që tregonin se Agron Xhafaj ishte dënuar me vendim të formës së prerë  gjyqësore për trafikim të lëndëve narkotike.

Ndërsa sot kreu i PD ?së Lulzim Basha, paralajmëroi të tjera prova që vërtetojnë inkriminimin e Fatmir Xhafajt, i cili dyshohet se është bërë mburojë për vëllanë e tij trafikant.

Por, në vend që për akuzat e lëshuara të fliste vetë Xhafaj, ka ndodhur tjetër gjë.

Ka qenë kryeministri Edi Rama, i cili gjatë seancës plenare ka bërë avokatin e Xhafajt, edhe pse opozita nuk ishte e pranishme në sallë.

Madje dhe një avokat nuk do të kishte bërë më shumë se çfarë bëri Rama në Kuvend.

?Në gjashtë vite që socialistët janë në pushtet, nuk ka asnjë kërkesë qoftë formale apo informale nga autoritetet italiane për Agron Xhafajn, vëllain e Fatmir Xhafajt. Nëse nuk ka asnjë kërkesë, nëse nuk ka asnjë përgjegjësi të lidhur me Qeverinë apo personalisht me ministrin e Brendshëm, dhe nëse bëhet fjalë në fund të ditës, për vëllanë, dhe jo për të, në një sistem në të cilin secili përgjigjet individualisht përpara drejtësisë, përse del sot??, ka pyetur Rama.

Siç duket kryeministri i sheh ministrat me dy standarte, nëse rikujtojmë këtu paraardhësin e Xhafajt, Saimir Tahiri.

Ose Xhafa ka ndonjë as nën mëngë që e terrorizon Ramën, madje e detyron Ramën të bëjë edhe avokatin e tij.

Por deri kur do ta mbrojë kryeministri, Xhafajn përballë provave që janë vënë ndaj tij për inkriminim?/CNA.al





Lajmet e fundit nga