web counter
LEXO PA REKLAMA!

SHKARKO APP

App Store
Google Play

Justifikoi pasurinë me lekët e hedhura në dasëm/ KPK “pret kokën” e një tjetër gjyqtari

10 Maj 2018, 11:07, Aktualitet CNA

Komisioni i Pavarur i Kualifikimit ka dhënë sot vendimin për gjyqtarin e Gjykatës Kushtetuese, Fatmir Hoxha.

Trupa gjykuese e përbërë nga Xhensila Pine, Valbona Sanxhaktari dhe Alma Faskaj ka vendosur shkarkimin e gjyqtarit Hoxha.

KPK ka gjetur probleme persa i përket pasurisë së tij. Bëhet fjalë për një apartament në Tiranë  në vlerën e 140 mijë eurove  të blerë nga gjyqtari ne vitin 2011, një pjesë të së cilës afro 1. 7 milionë lekë që sipas KPK nuk justifikohen.

Edhe pse nuk ishte vetë i pranishëm në seancën dëgjimore të datës 7 maj, avokati i Hoxhës është shprehur se shtëpinë e ka bërë me lekë borxh si dhe me lekët që atij ia kanë hedhur në dasmë, kur është martuar.

Mësohet se anëtari i Gjykatës Kushtetuese, ka vënë në dispozicion videot e dasmës, pro kjo provë nuk është marrë parasysh nga trupa gjykuese i Vetting-ut.

?Pretendohet nga KPK për një shumë që nuk justifikohet, por Hoxha ka kërkuar të administrohet kaseta e dasmës, bëhet fjalë për një shumë normale lënë nga të afërmit e tij. Shuma është plotësisht e justifikueshme, zoti Hoxha nga 2011 është emëruar anëtar i Kushtetueses dhe është transferuar nga Shkodra, ka shitur banesën me orendi dhe shuma i përket orendive, dhe vetë shtëpisë?- tha ai.

Më herët procesit iu nënshtrua Fatos Lulo, Vitore Tusha dhe Altina Xhoxhaj.

E vetmja që ka kaluar vettingun deri më tani është Vitore Tusha, ndërkohë që Gjykata Kushtetuese ndodhet në pikën më të zezë në historinë e saj.





Lajmet e fundit nga