E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Investime në luks dhe pasuri të patundshme/ Arqile Koça prokuror apo biznesmen?

5 Maj 2018, 09:50, Aktualitet CNA

Prokurori Arqile Koça ishte një nga prokurorët që garuan për karrigen e Kryeprokurorit të Shtetit.

Edhe pse Koça ligjërisht mund të quhej i skualifikuar nga gara pasi nuk plotësonte kushtet ai pohonte të kundërtën.

Ai nuk ka të mbaruar shkollën e magjistraturës dhe as gëzon titullin doktor.

Megjithatë, ai para komisionit Parlamentar të Ligjeve, deklaroi se ishte i përgatitur më shumë se një magjistrat.

Sigurisht që vetvlerësimi është i rëndësishëm, por për të qenë në krye të Prokurorisë së Shtetit, janë disa kushte ligjore që duhen plotësuar.

Prokurori Koça, fillimisht ka punuar si prokuror në rrethet Devoll e Korçë dhe më pas është transferuar në Prokurorinë e Përgjithshme.

Në kohën kur Prokuroria e Përgjithshme drejtohej nga Arben Rakipi, ka kryer detyrën e prokurorit në Prokurorinë e Përgjithshme.

Arqile Koça ka qenë gjithashtu edhe anëtarë i Këshillit të Prokurorisë për tre vite nga 2005 deri në vitin 2008, kur i mbaroi mandati. Më tej ai ka ushtruar për disa vite funksionet në Drejtorinë e Hetimit dhe Ndjekjes Penale.

Nga viti 2013 ai drejtonte Drejtorinë Gjyqësore dhe të Mbikqyrjes së Vendimeve Penale dhe Vuajtjes së Dënimit.

Në fillim të muajit janar të këtij viti, Kryeprokurorja Arta Marku e ka emëruar prokurorin Koça si drejtor në njësisë së dekriminalizimit dhe zyrës së marrëdhënieve me Jashtë, në vend të prokurores Rovena Gashi, e cila ndryshe njihet si krahu i djathtë i ish-kryeprokurorit Adriatik Llalla.

Koça ka qenë pjesë e grupit hetimor për dosjen ?Gërdeci? si dhe pjesë e grupit hetimor për çështjen e vrasjes së Azem Hajdarit.

Kjo sa i përket aspektit profesional, por duket se në CV-në e aspektit pasuror, prokurori Arqile Koça e ka më të pasur.

Në kohën që garonte për postin e Kryeprokurorit, mediat publikuar pasurinë e tij, ku prokurori Arqile Koça rezultonte pronar i 5 apartamenteve, i një apartamenti të shitur në Dajt, si dhe ka hedhur themelet e një shtëpie në Voskopojë, ku vetëm themelet i kushtojnë 10 mijë euro.

Nga ana tjetër ai ka marrë një kredi si i pastrehë në 2001, me vlerë 50 milionë lekë të vjetra, rimbursuar nga shteti, me 3 %., 25 vjet.

Ndër të tjera ai ka deklaruar apartamente në Linzë Tiranë, 96 m2, 110 m2, 110 m2, 86 m2, 137 m2, një pjesë të cilat i ka shitur.

Pasuritë e patundshme duket se janë hobi i prokurorit Koça. Pasi ai ka deklaruar dhe një tjetër apartament në Sarandë, Lukovë, 160 m2.

Po, në kohën që garonte për postin e Kryeprokurorit, mediat raportuan se në vitin 2012, Koça kishte deklaruar 30 mijë USD në banka.

CNA.al , ka marrë pranë ILDKPKI-së, formularët e deklarimit të pasurisë së prokurorit Koça për vitin 2016, ku rezulton se për të arrestuar banesëm më Likovë ka shpenzuar 600 000 lekë si dhe ndër të tjera ka deklaruar pesë burime të ardhurash.

Pasuria e deklaruar më 24.03.2017

Investim, arredim në banesën e ndodhur në fshatin Lukovë, në shumën 600 000 lekë. Burimi të ardhurat, mga shitja e apartamenteve dhe kursimet.

Gjendje likuiditeti në sistemin banker në shumën 100 000 lekë dhe 1 421 euro. Burimi, të ardhurat nga shitja e apartamenteve dhe kursimet.

Gjendje cash jashtë sistemit bankar në shumën 3 600 000 lekë.

Burimi, të ardhurat nga shitja e apartamenteve dhe kursimet.

Të ardhura nga paga 1 587 432 lekë.

Të ardhura nga paga e bashkëshortes në shumën 485 952 lekë.

Të ardhura nga qiraja 5 568 euro.

Të ardhura nga mëshimdhënia në Shkollën e magjistraturës në shumën 46 550 lekë.

Kredi strehimi prej 5 000 000 lekë. Data e disbursimit 27 mars 2000, me interest re përqind. Detyrimi total 7 113 207 lekë në një afat 25 vjeçar me këst mujor 23 710 69 lekë. Detyrime të shlyera në shumën 284 528 28 lekë dhe detyrim i pashlyer në shumën 2 080 761.72 lekë./CNA.al