E fundit!

09:21 Kronika

Vrasja e policit në Maliq/ Policia: I kërkuari fshihej në stan, hapi zjarr ndaj efektivëve

Policia e Korçës ka ndarë një informacion të detajuar lidh...

Zbardhet strategjia e PS/ Rama “dush të ftohtë” ministrave e deputetëve, të gjithë drejtorët në skaner

4 Maj 2018, 07:24, Aktualitet CNA

Kryeministri Edi Rama vijon të mbetet i pakënaqur me punën e deputetëve, ministrave, drejtorëve dhe funksionarëve të Partisë Socialiste.

Pas Asamblesë Socialiste të mbledhur javën e parë, kreu i ekzekutivit ka mbledhur ditën e djeshme kryesinë e PS, ku në fokus kanë qenë miratimi i axhendës së turit të llogaridhënies dhe situata në administratën publike, sidomos sa i takon punësimeve.

Gazeta Sot shkruan se në mbledhjen e djeshme u mor vendimi që turi i llogaridhënies do të zhvillohet në të 61 bashkitë e vendit në 12 qarqet e vendit.

Po ashtu mësohet se në kryesi u vendos dhe akordimi i axhendës parlamentare dhe të qeverisë. Mirëpo, duke u ndalur theksin tek llogaridhënia, gazeta mësoi se kryeministri ka urdhëruar që pjesë e këtij turi të jenë të gjithë, duke filluar nga deputetët, ministrat, krerët e partive deri tek drejtorët rajonal për çdo sektor. I pari i qeverisë i ka porositur të gjithë në mbledhje që të dëgjojnë me vëmendje çdo shqetësim apo hallë të bërë publik gjatë turit të llogaridhënies. Nga ana tjetër, burimet i thanë gazetës se kryeministri ka vendosur në mbledhjen e Kryesisë së PS që gjatë këtij turi llogaridhënie, do të bëhet edhe një ballafaqim mes qytetarëve dhe drejtorëve rajonalë, ku këta të fundit do të japin sqarime se përse nuk kanë zgjidhur hallet e qytetarëve.

Gjithashtu, sipas informacioneve të gazetës, në këto takim mësohet se Rama do të nisë skanimin e administratës, ku përveç diskutimit për reformën në administratë, drejtorët dhe ministrat do të japin sqarime para bazës sa i takon punësimeve.

Ndër të tjera mësohet se turi I takimeve pritet që të karakterizohet nga debate të ashpra, drejtorët dhe ministrat e kabinetit qeveritar do të japin llogari para bazës se përse ka ngecur shkarkimi i militantëve të LSI nga administrata, si dhe përse kanë ngecur në vend numëro emërimet dhe punësimet e socialistëve.