web counter
LEXO PA REKLAMA!

SHKARKO APP

App Store
Google Play

E fundit!

x

Skandali seksual shtyn dhënien e çmimit Nobel në letërsi për vitin 2018

4 Maj 2018, 09:03, Lifestyle CNA

Akademia suedeze që jep çmimet Nobel ka deklaruar se këtë vit do të shtyhet dhënia e çmimit për Letërsinë për shkak të skandaleve seksuale në të cilat është përfshirë.

Situata e skandaleve seksuale u përkeqësua edhe më shumë pasi mediat suedeze bën publik lajmin se edhe princesha Victoria është ngacmuar seksualisht nga fotografi i famshëm Jean Claude Arnaul, i cili deri më tani është akuzuar për 18 raste ngacmimesh seksuale.

 

Sipas ?Daily Telegraph?, tre dëshmitarë kanë parë fotografin e njohur të ngacmojë princeshën gjatë një eventi të organizuar nga familja mbretërore suedeze 13-vite më parë, kur ajo ishte 29-vjeç. Sipas këtyre rrëfimeve Arnaul e ka prekur në të pasmet e saj princeshën dhe ajo reagoi duke ia larguar dorën. Ky gjest mësohet se ka vënë në siklet edhe një ndër shërbyeset e saj, e cila është përpjekur që ta ndihmonte princeshën. Por pasi e kuptoi situatën Arnaul u largua.

Arnaul është një fotograf francez, 71-vjeçar, i cili është drejtues i një rrjeti qendrash kulturore. Ai është bashkëshorti i poetes Kateina Frostenson, ish-anëtare e jurisë së Nobel, e cila dha dorëheqjen pas zbulimit të skandalit.

Dorëheqjen nga juria e Nobelit mësohet se e kanë dhënë edhe 6 anëtarë të tjerë të akademisë. Pikërisht këto zhvillime pas këtij skandali kanë bërë që të shtyhet dhënia e çmimit Nobel në letërsi për vitin 2018, fituesi i të cilit mësohet se do të njoftohet në vitin 2019.





Lajmet e fundit nga