E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Qeveria 3 variante në diskutim për pragun e tatim-fitimit 5%/ Ligji në Parlament brenda 2 muajve

1 Maj 2018, 09:52, Ekonomi CNA

Qeveria është duke shqyrtuar 3 variante për të ndryshuar pragun e Tatimit mbi Fitimin për bizneset. Aktualisht, ndërmarrjet me xhiro vjetore deri në 5 milionë lekë paguajnë 0 tatim-fitim, nga 5 në 8 milionë paguhet 5% dhe mbi 8, 15%.

Pragu 8 milionë po diskutohet që të ndryshojë e të bëhet 10, 12 ose 14 milionë lekë. Ministria e Financave sqaron se e gjithë nisma bëhet për të lehtësuar bizneset e për t?i dhënë fund evazionit që ndodh për shkak të fashave.

?Si ta harmonizojmë këtë interes të buxhetit të shtetit në kuptim të administrimit të TVSH me interesat e biznesit për të mos kaluar në një grup taksimi me tarifë të lartë? Duke rritur pragun e taksimit nga 8 milionë në një shifër të themi 10, 12, 14 milionë. Një iniciativë e tillë është ndërmarrë pasi është diskutuar me një numër jo të vogël biznesesh. Pasi është kuptuar ku është problemi i tyre?, u shpreh Drejtori i Politikave Fiskale në Ministrinë e Financave, Niko Lera.

Ndryshimi i pragut të xhiros nisi të mendohet si zgjidhje nga frika që shfaqën bizneset, të cilët hynë për herë të parë në skemën e Tatimit mbi Vlerën e Shtuar. Tashmë që zinxhiri i TVSH do të gjurmohet dhe te i vogli, bëhet më e vështirë ulja fiktive e xhiros.-shkruan gazeta Sot.

Ministria e Financave dhe Ekonomisë ka nisur konsultimet me ekspertët dhe grupet e interesit për të propozuar më pas në Këshillin e Ministrave dhe parlament variantin final të ndryshimeve. Brenda dy muajve ligji do të shkojë në parlament dhe pritet të hyjë në fuqi gjatë gjysmës së dytë të vitit.

Rritja përtej nivelit 10 milionë lekë në vit e tavanit të xhiros për të cilin biznesi paguan tatim-fitim të reduktuar, u paralajmëruar vetëm pak ditë më parë nga kryeministri Edi Rama, në një takim me bizneset. Kryeministri tha se kjo masë merret për të lehtësuar biznesin e vogël nga presioni i futjes në skemën e TVSH.