E fundit!

10:09 Politikë

“Suksese në udhëheqjen e vendit gjatë një prej kapitujve më të vështirë”/ Rama uron kryeministrin e ri të Ukrainës

Kreu i qeverisë, Edi Rama ka reaguar për emërimin e kryemi...

Fatmir Xhafaj, ministri që fle me grupet kriminale

1 Maj 2018, 15:42, Aktualitet CNA

Fatmir Xhafaj është ministri që fle, zgjohet dhe jeton me grupet kriminale në Shqipëri. Prej disa muajsh tha se në Shqipëri ekzistojnë rreth 40 grupe kriminale dhe një pjesë prej tyre e kishte shkatërruar. Ndërkohë u kapen disa grupe të cilat nuk ishin aspak në listën e Xhafës, ministri ynë i Brendshëm na i quajti sukses të madh. Por dje nga Korça, ministri i Brendshëm Fatmir Xhafaj, tha se së shpejti do të goditen grupet kriminale, apo ato 40 grupet e famshme. Në fakt Xhafaj ka që nga muaji shtator dhe po bën gati një vit në postin e Ministrit të Brendshëm dhe nuk ka asnjë sukses të vetëm si ministër.

Përtej Vettingut në polici, të cilin po e përdor si kamxhik politik për të hequr dhe ndoshta të fundit pjesë të uniformave blu që nuk votojnë apo nuk mendojnë si Rilindja, Fatmir Xhafaj ka vetëm dështime. Është e disata herë në disa muaj që thotë: “i goditëm, do t’i godasim”. Por çfarë ka bërë ky ministër në gati një vit si drejtues i Ministritë së Brendshme?

A mund të flasë Fatmir Xhafaj për suksese sot? Jo. Dhe duke qenë se nuk ka çfarë të thotë për suksese ka filluar të dalë qytet më qytet me mikrofon, dhe po shpalos betejën e tij të ardhshme me krimin.

Zoti ministër, sa dilni rrugëve dhe shkoni qyteteve të Shqipërisë nëpër takime, a thua se po ju digjet barku për komunitetin, shkoni qëndroni 24 orë në zyrë dhe luftoni krimin sepse kjo do të ishte më dinjitoze. Por në fakt vështirë se mund ta bëni atë. E keni shumë të vështirë. Ashtu si vetë qeveria juaj, ashtu si shumë nga paraardhësit tuaj, ju jeni vetë një person i akuzuar për lidhje familjare me krimin.

Këtë jua ka thënë edhe politika shpesh. Këtë e kanë përmendur në shumë raporte edhe ndërkombëtarë, jo vetëm dje kur flitej për drogën, por edhe sot që flitet për grupet kriminale, që nuk i thonë raportet e huaja, nuk i thotë as opozita, por i thotë vetëm ministri i Brendshëm me gojën e tij duke e pranuar se është një ministër i dështuar, që në një vit nuk e ka luftuar aspak krimin. Por me mikrofon në dorë del dhe bën tellallin qytet më qytet, duke paralajmëruara se do bëjë suksese, bëma apo gjëma të mëdha kundër krimit.

Në fakt Fatmir Xhafaj nuk bën asgjë tjetër, ai paralajmëron dhe bashkëpunon me krimin. /CNA.al