Denoncoi emërimet klienteliste dhe paditi Ramën/ Prokurori “i shkundur” nga pasuria

1 Maj 2018, 09:47, Aktualitet CNA

Kupola e drejtësisë noton në pasuri. Të paktën sipas asaj që ata kanë deklaruar në ILDKPKI, ndonëse dyshohet se mund të kenë edhe pasuri të tjera të padeklaruara.

Është ironik fakti që Shqipëria ka një ?drejtësi? të varfër, të vënë në duart e njerëzve të pasur.

Çekani i drejtësisë ka shërbyer për të kamufluar skemën e korrupsionit dhe për të shenjëstruar individët e sistemit të drejtësisë që ndër vite kanë guxuar dhe denoncuar skandalet në drejtësi.

Me të drejtë shtrohet pyetja se a ka mbijetuar ndonjë gjyqtar apo prokuror që nuk ka rënë deri më tani në kurthin e korrupsionit?

Në vazhdën e deklarimit të pasurive, CNA.al sjell pasurinë e prokuroit të Vlorës Xhemal Saliaj.

Ky i fundit, ishte kandidati i parë që u lakua për Prokuror të Përgjithshëm të përkohshëm dhe që kishte mbështetjen e ndërkombëtare, por për arsye të panjohura nuk u zyrtarizua.

Saliaj i cili ka shërbyer në Berat për 5 vite deri në vitin 2012, më pas është transferuar si prokuror në shkallën e parë në qytetin e Vlorës, ku punon edhe sot.

Rikujtojmë se në vitin 2012, Saliaj është përplasur me ish-eproren e tij në atë kohë, Ina Rama.

Shkak për këtë përplasje është bërë shkarkimi i tij, si drejtues i Prokurorisë së rrethit të Beratit. Saliaj u shkarkua nga detyra për keq-administrim të dokumentacionit dhe mos ushtrimit të funksioneve drejtuese.

Por, ai u kundërpërgjigj publikisht ish-kryeprokurores Ina Rama, pas shkarkimit, madje duke depozituar dhe një padi ndaj saj.

Nga ambientet e Ministrisë së Drejtësisë pa kaluar 24 orë nga shkarkimi i tij në krye të Prokurorisë së Beratit, ai ka folur për emërime klienteliste në prokurori.

Ndër të tjera ai ka akuzuar ish-kryeprokuroren Ina Rama, për shkeljen e Kushtetutës.

?Thelbi i saj është që prokurorja e Përgjithshme shkel parimin themelor të baraztrajtimit, për të njëjtat prokurori dhe për të njëjtën kohë pune, prokurori i Përgjithshëm, nëpërmjet kësaj qarkoreje bën pagesa të diferencuara?, ka thënë Saliaj, gjatë një takimi në vitin 2012, në Ministrinë e Drejtësisë, ku ndodheshin edhe prokurorë të tjerë.

Në padinë e tij, prokurori Saliaj kërkonte shfuqizimin pjesërisht të një urdhri të firmosur nga kryeprokurorja e Përgjithshme, Ina Rama, më 27 tetor 2011. Bëhet fjalë për urdhrin nr. 191 ?Për shërbimin e gatishmërisë në Prokurori?. Referuar padisë, ky urdhër, në një prej neneve të tij, bie ndesh me Kushtetutën.

Ndër të tjera Saliaj, njihet si njeriu që burgosi ish-ministrin Kosta Barka për akuzën e abuzimeve me projektet, ndërkohë që nuk rezulton i lakuar më parë negativisht.

Referuar deklaratës së pasurisë së tij rezulton se të vetmen pasuri ai ka vetëm një apartament.

Pasuria e deklaruar në vitin 2016

Apartament me sipërfaqe 150 metër katror në vlerë 11 000 000 lekë.

Burimi të ardhurave për blerjen e apartamentit:

Të ardhura nga shitja e apartamentit me vlerë 1 400 000 lekë

Kursime nga paga me vlerë 1 400 000 lekë.

Kredinë shumën 7 000 000 lekë. Data e fillimit 30.05.2016 dhe data e mbarimit 28.04.2031. Kësti mujor 50 555 78 lekë. Detyrime të paguara 402.053.9 lekë, ndërsa detyrime të papaguara 6.761.919.98 lekë.

Pjesa e mbetur, prej 1 200 000 lekë do të likuidohet pas marrjes së hipotekës, sipas parashikimeve në kontratën e premtimit për shitjen e apartamentit.

Paga vjetorë në shumën 1.280.404 lekë.

Paga e bashkëshortes, përfshirë honoraret dhe dietën si pedagoge efektive pranë fakultetit të shëndetit public, universiteti ?ISMAIL Qemali?, në Vlorë, në shumën 1 733 922 00 lekë.

Kursimet nga paga shtetërore në shumën 693.219 14 lekë./CNA.al