web counter
LEXO PA REKLAMA!

SHKARKO APP

App Store
Google Play

Familja zbulon shkakun e vdekjes së Avicii-t, muzika në zi pas deklaratës së dhimbshme

27 Prill 2018, 12:10, Lifestyle CNA

Vdekja e Avicii, një prej DJ-ve më të suksesshëm në botë, tronditi të gjithë adhuruesit e rrymës house e jo vetëm.

Suedezi, emri i vërtetë i të cilit ishte Tim Bergling dhe që fitoi famë ndërkombëtare me këngët ?Hey Brother?, ?The Nights? dhe ?You Make Me?, u gjet i vdekur në Muscat, Oman të premten, më 20 prill.

Familja e tij ‘konfirmoi’ se DJ me famë ndërkombëtare kreu vetëvrasje.

Vetëm 28 vjeç ai futi në mort botën e muzikës dhe dëshpëroi mijëra fansa në mbarë botën.

Familja e tij bëri një deklaratë sot duke thënë:

Tim ynë i dashur ishte kërkues, një shpirt artistik i brishtë, që kërkonte përgjigje për pyetjet ekzistenciale. Një perfeksionist mbi suksesin, i cili udhëtoi dhe punoi shumë me një ritëm, që çoi në stres ekstrem.

Kur ai ndaloi turnetë, ai donte të gjente një ekuilibër në jetë për të qenë i lumtur dhe të ishte në gjendje të bënte atë që ai e donte më së shumti – muzikën.

Ai me të vërtetë luftonte me mendimet për kuptimin, jetën, lumturinë.

Ai nuk mundi të vazhdonte më. Ai donte të gjente paqe. Tim nuk ishte i prerë për makinerinë e biznesit, në të cilën e gjeti veten; ai ishte një djalë i ndjeshëm, i cili i donte fansat e tij, por i shmangej vëmendjes.

Tim, do të jesh përgjithmonë i dashur dhe fatkeqësisht i humbur. Personi që ishe dhe muzika jote do ta mbajnë gjallë kujtesën tënde.

Ne Të duam ty,

Familja jote./CNA





Lajmet e fundit nga