web counter
LEXO PA REKLAMA!

SHKARKO APP

App Store
Google Play

Abuzimi me detyrën/ Arrestohen dy kontrollorë fizik në Korçë

26 Prill 2018, 08:33, Kronika CNA

Dy kontrollorë fizik në Drejtorinë Rajonale të Shërbimeve të Transportit Rrugor janë vënë në pranga, në kuadër të të operacionit të koduar “Kodifikimi”.

Policia e Korçës bën të ditur se dy personat e ndaluar akuzohen për veprën penale “Korrupsioni pasiv i personave që ushtrojnë funksione publike”.

Të ndaluarit janë Daniel Xhemo, 52 vjeç dhe Fredi Gogo, 64 vjeç, të dy banues në Korçë, me detyrë kontrollorë fizik në Drejtorinë Rajonale të Shërbimeve të Transportit Rrugor Korçë.

Njoftimi i policisë:

Korçë

Finalizohet me sukses operacioni antikorrupsion i koduar “Kodifikimi”.

Arrestohen dy kontrollorë fizik në Drejtorinë Rajonale të Shërbimeve të Transportit Rrugor, për veprën penale “Korrupsioni pasiv i personave që ushtrojnë funksione publike”.

Specialistët e Seksionit kundër Korrupsionit, në Drejtorinë Vendore të Policisë Korçë, kanë finalizuar me sukses operacionin e koduar “Kodifikimi” si rezultat i të cilit u  bë kapja dhe arrestimi në flagrancë i shtetasve:

Daniel Xhemo, 52 vjeç dhe Fredi Gogo, 64 vjeç, të dy banues në Korçë, me detyrë kontrollorë fizik në Drejtorinë Rajonale të Shërbimeve të Transportit Rrugor Korçë.

Arrestimi i tyre u bë pasi këta shtetas, janë kapur në flagrancë duke marrë shuma lekësh nga shtetas të ndryshëm, për të favorizuar regjistrimin e mjeteve pranë Drejtorisë Rajonale të Shërbimeve të Transportit Rrugor në Korçë, ku ndryshonin vitin e prodhimit të automjeteve me qëllim shmangien e taksave.

Materialet i kaluan Prokurorisë së Rrethit Gjyqësor Korçë për veprime të mëtejshme.





Lajmet e fundit nga