Iu kap 613 kg kokainë, kompania “Arbri Garden” fshin asetet/ Prokuroria nuk i bllokon

25 Prill 2018, 16:53, Aktualitet CNA

Kompania e frutave ekzotike ?Arbri Garden? në kontenierin e të cilës u sekuestruan 613 kg kokainë e ardhur nga Kolumbia nis zyrtarisht mbylljen e aktivitetit të saj tregtar duke hequr një sërë pasurish dhe adresa sekondare.

Sikurse raporton ?Shqiptarja.com? në listën e aseteve të hequra janë automjete, fugonë, kapanone dhe adresa sekondare të përdorura më parë nga subjekti.

Në dokumentet e siguruar nga ReportTv në fillim të prillit më 5 prill 2018 subjekti ?Arbri Garden? ka hequr tre adresa që i përkasin tre mjeteve të përdorura më parë prej saj.

Ndryshimet

Është hequr adresa: “Rruga Dytësore Maminas-Durrës, AA 796 IX; AA 365 RE, AA 794 SO.

Por ky nuk është veprimi i fundit që ka kryer kjo kompani në qendrën kombëtare të bizneseve, veprime të kryera në një kohë kur administratori i saj është në kërkim ndërkombëtar për llogari të një hetimi edhe me policitë partnere të Shqipërisë.

Thuajse një javë më pas me të njëjtën kërkesë për mbyllje adrese dytësore, janë fshirë dhe adresat si më poshtë:

Tregu Agro Ushqimor, Kapanoni C, nr pasurie 52/8, Rruga Dytësore Maminas-Durrës, AA 083 GU;

është hequr adresa: MAMINAS; Furgon AA 489 MA.

Po ashtu janë hequr nga fondi i adresave dhe pronave që ka ushtruar aktivitetin ?Arbri Garden? dhe magazinë nr pasurie 3/83 e ndodhur në zonën kadastrale 8526; Elbasan, lagja ?Dyle Haxhire?; KASHAR; Tregu Agro Ushqimor, kapanoni D1; KASHAR; Autostrada Tiranë – Durrës Km 1, Tregu Agro-Ushqimor, Kapanoni D.

Në këtë proces nuk është përfshirë selia qendrore në Maminas aty ku u kap dhe kokaina. Këto veprime janë kryer nga përfaqësuesi ligjor i kësaj kompanie i cili rezulton se është Selim Cekaj, babai i administratorit, ndërsa janë kryer në një kohë kur Prokuroria prej 2 muaj kryen hetime dhe nuk ka nxjerrë asnjë urdhër sekuestrimi për ?Arbri Garden?.

Pas hekurave për sasinë e kokainës janë Donaldo Lushaj dhe Armando Pezaku si menaxher dhe shofer të firmës që për llogari të kompanisë tërhoqën kontenierin me banane e kokainë nga terminali i kontenierëve në Durrës mbrëmjen e 27 shkurtit 2018.