Pse femrat kërcasin dhe bluajnë dhëmbët gjatë natës?

24 Prill 2018, 14:50, Lifestyle CNA

Me gjasë keni dëgjuar të gjithë për fenomenin e të kërciturit dhëmbët gjatë natës, por pse ndodh kjo dhe kryesisht tek gratë? Ky veprim mund të japë dhimbje në pjesën e pasme të qafës, mund të shkaktojë humbje të dëgjimit dhe madje të shkatërrojë pamjen tuaj.
Një javë në një punë të re stresuese, një drekë pa pushim në mes dhe një dalje në pub të dielën dukej mënyra e përsosur për t’u çlodhur. Kishte verë të kuqe në gotë dhe mish të pjekur në pjatën time. Problemi i vetëm? Unë nuk mund ta hapja gojën pa një dhimbje të zhurmshme që krijon nofulla ime, pasi gjithë natës kam kërcitur dhëmbët.

Menjëherë pas kësaj, filluan dhimbjet e qafës dhe ashpërsimi i muskujve të shpatullave. Pastaj erdhi migrena. Vizitova një fizioterapiste, shkova edhe në yoga që të shplodhesha nga qëndrimi në karrige, por asgjë nuk i ndaloi dhimbjet e mia me të cilat zgjohesha çdo mëngjes.

Gjatë një prej sesioneve të mia tek terapistja, ajo më pyeti: A i bluani dhëmbët gjatë natës?

Po, sipas të dashurit tim, i cili vuan nga zhurma ime e tmerrshme kur jam në gjumë, unë i bluaj dhëmbët.

Por a mundet që ky zakon ?i thjeshtë? ta kthejë jetën time në një rreth vicioz që përbëhet vetëm nga dhimbja e kokës?

Fatkeqësisht rezulton që po.

?Bruxism? është termi mjekësor për shtrëngimin dhe bluajtjen e dhëmbëve, zakonisht gjatë gjumit.

Sipas NHS-së, ka pothuajse gjashtë milionë njerëz, dhe shumica janë gra të moshës 25 deri në 44 vjeçe, si unë, që e kanë këtë ves të dhimbshëm.

Ndoshta dikujt që nuk e ka këtë problem mund t?iu duket një ?acarim? i vogël, por në fakt kërcitja e dhëmbëve mund të shkaktojë dëme të tmerrshme.

Dhimbja nga ky ves prek edhe muskujt më të fortë në trup. Përtypja normale vendos mes 20lb (9.07 kg) dhe 40lb (18.14 kg) presion në dhëmbët tuaj, por kërcitja, shtrëngimi dhe bluajtja gjatë natës mund të ushtrojë një forcë të barabartë me 300lb (136.078 kg).

Është presion i mjaftueshëm për të prishur një guaskë arre dhe bluajtja e dhëmbëve mund të zgjasë edhe 40 minuta për çdo orë.

Nuk është për t?u habitur, por nuk do ishte keq nëse merrni mbrojtëse për dhëmbët tuaj gjatë natës, jo tipike nga ato që vënë boksierët, por diçka të ngjashme. Kështu mund të shpëtoni dhëmbët tuaj nga thyerja.

Si mund të shkatërrohet pamja e fytyrës tek një njeri që kërcet dhëmbët?

Muskujt rriten dukshëm nga puna e tepërt gjatë natës. Është pak a shumë si ndërtimi i bicepsit tuaj me ngritjen e peshave. Ju përfundoni me më shumë masa muskulore në fytyrë dhe nofulla. Rezultati mund të jetë një fytyrë katrore, plasaritje e faqeve ose “nofulla fanar” – një nofulla e gjatë dhe e hollë me një mjekër të shquar.

Por, çfarë e shkakton këtë ves të rëndë tek dhëmbët? Ekspertët e kanë përgjigjen njëzëri: Stresi.

Dr. Shivani Patel nga Londra thotë se mund të jetë edhe gjenetike, por stresi është ai që dominon zakonisht.

Shumica e pacientëve të Dr. Patel janë femra dhe ajo tregon se ka pasur për trajtim edhe fëmijë vetëm 11-vjeçë.

Por kujdes, nëse mendoni se një gotë verë para gjumit do u ulë stresin dhe do ju bëjë mirë, mendojeni përsëri. Jo vetëm që alkooli zvogëlon gjumin e thellë, duke e bërë edhe më të rëndë, Andreë Eder, një profesor në Institutin Dentar UCL Eastman, thotë se pije acidike si vera e bardhë zbut smaltin kështu që është më lehtë t?i konsumoni dhëmbët tuaj me anë të bluarjes.

Dr. Okoye rekomandon që pacientët të kenë një mbrojtëse të fortë për dhëmbët.

Ajo e mbyll:

Jemi përpjekur të kurojmë njerëzit që kërcasin dhe bluajnë dhëmbët, pro tani jemi dorëzuar dhe kuptojmë që nuk mundemi. Ky ves thjesht ndodh, siç ndodh rrahja e zemrës dhe frymëmarrja, me ndryshimin që aktivizohet vetëm nga stresi. Ajo që mund të bëjmë ne është t?u japim njerëzve një mbrojtëse dhëmbësh për të ndryshuar sjelljen e tyre dhe të mund të kontrollojnë stresin.?