web counter
LEXO PA REKLAMA!

SHKARKO APP

E fundit!

x

U dënua me 40 vite burg/ Karaxhiç apelon vendimin

23 Prill 2018, 08:18, Kosova & Bota CNA

Ish-udhëheqësi i serbëve të Bosnjës, Radovan Karaxhiç, do të nisë më 23 prill një apel drejt gjykatësve të Kombeve të Bashkuara për dënimin e tij me 40 vjet burgim.-raporton REL.

Karaxhiç, 72 vjeçar ishte dënuar më 2016 për gjenocid, krime lufte dhe krime kundër njerëzimit në masakrën e Srebrenicës më 1995.

Më shumë se 100,000 njerëz janë vrarë dhe rreth 2.2 milionë të tjerë janë detyruar të largohen me dhunë gjatë luftës në Bosnjë më 1992-1995.

Atij i ishte shqiptuar dënimi nga gjyqtarët e Tribunalit të Hagës, që është mbyllur edhe zyrtarisht në dhjetor të vitit të kaluar.

Presidenti i këtij tribunali, Theodor Meron, ka deklaruar në muajin shkurt se apelet do të shqyrtohen nga Mekanizmi për Tribunale Ndërkombëtare për Krime (MICT).

Prokurorët po ashtu janë duke apeluar dënimin e tij 40 vjeçar, duke kërkuar që të shtohet dënimi me burg.

Vendimi pritet të bëhet i ditur vitin e ardhshëm.





Lajmet e fundit nga