web counter
LEXO PA REKLAMA!

SHKARKO APP

App Store
Google Play

E fundit!

x

Video/Vritet në skenë me 3 plumba këngëtarja 8-muajshe shtatzënë

13 Prill 2018, 10:10, Kosova & Bota CNA

Sot në “Youtube” po qarkullojnë video të momentit të tmerrshëm kur këngëtarja nga Pakistani Samira Sindhu u qëllua me 3 plumba teksa këndonte në skenë duke mbetur e vdekur në vend.

28-vjeçarja ishte 8-muajshe shtatzënë dhe ndodhej në një festë në fshatin Kanga në Pakistan.

Sipas deklaratës që dha i shoqi në polici, Samira kishte refuzuar të kërcente dhe për këtë arsye një prej burrave e kishte qëlluar.

“Samina refuzoi të kërcente sepse ishte shtatzënë. Refuzimi i saj e inatosi vrasësin”, u shpreh bashkëshorti i këngëtares, Aashiq Ali i cili tha se ndodhej prapa Saminës në eventin ku ndodhi ngjarja.

Në videon e xhiruar nga të pranishmit, Samina shihet duke kënduar ulur dhe më pas në këmbë. Disa burra shihen duke i hedhur para kur papritur dëgjohen tre të shtëna dhe këngëtarja bie në tokë.

Samina është dërguar menjëherë në spital, por është shpallur e vdekur gjatë rrugës.

Vrasësi, i identifikuar si Tariq Jatoi është arrestuar dhe tha për gazetarët jashtë sallës së gjyqit se kishte qëlluar aksidentalisht pasi donte të qëllonte në ajër.

Ndërkohë artistë të shumtë kanë bërë protestë duke kërkuar drejtësi për këngëtaren./CNA





Lajmet e fundit nga