web counter
LEXO PA REKLAMA!

SHKARKO APP

App Store
Google Play

E fundit!

x

Vuçiç: Ishim gati për sulm në veri të Kosovës

17 Prill 2018, 13:04, Kosova & Bota CNA

Presidenti i Serbisë, Aleksander Vuçiç, ka folur për situatën e krijuar pas arrestimit në Kosovë të Marko Gjuriçit, si dhe për ?ndjenjat? e tij para takimit me kancelaren gjermane, Angela Merkel.

Duke iu kundërpërgjigjur akuzave të kundërshtarëve të tij opozitarë, se Vuçiç me deklaratat e tij ?që nuk ha e nuk fle? përpara takimeve me zyrtarë të rëndësishëm të shteteve tjera, ai bëri një deklaratë interesante duke thënë që në takime ?nuk shkon për dreka, por për të luftuar për interesat e Serbisë?.

?Përpiqem që çdo moment ta shfrytëzoj në të mirë të Serbisë, dhe jo të ha. Nuk jam një martir, mirëpo sigurisht që kam edhe ndjenjën e turpit, sepse unë nuk përfaqësoj veten time por të gjithë shtetin e Serbisë?, thotë Vuçiç, transmeton Lajmi.net.

?E di, mëkati im është që Serbia është një shtet i pavararur dhe askush nuk ka nevojë që t?u dërgojë ambasadave të huaja agjendat qeveritare për aprovim?, shton ai, duke folur për të arriturat e tij.

Madje, Vuçiç thotë se para takimit me kancelaren gjermane, Angela Merkel, nuk ka vënë gjumë në sy, por sipas tij, Merkel e ka mirëkuptuar atë dhe ?gjendjen e tij?.

?Para takimit me Merkel nuk kam fjetur fare, nuk kam fjetur sepse unë jam një njeri i përgjegjshëm. Merkel e ka kuptuar këtë dhe e ka parë se sa i shqetësuar isha?, deklaroi Vuçiç.

Vuçiç madje thotë se ai nuk ka qeshur fare që prej arrestimit të Gjuriçit në Kosovë.

?Nuk kam qeshur që prej arrestimit të Gjuriçit. Nuk mund të qesh sepse e dija sa afër konfliktit ishim në atë kohë, ishte vetëm çështje një sulmi në Mitrovicën e Veriut?, thotë ai.

Vuçiç shkon edhe më larg duke thënë që dikush po e ndalon arritjen e një zgjidhjeje me Kosovën.

?Mundësia e gjetjes së një kompromisi po pengohet nga një ose dy fuqi botërore, dhe tani kam një pamje të qartë të asaj se kush po e ndalon atë?, përfundoi Vuçiç.

 





Lajmet e fundit nga