web counter
LEXO PA REKLAMA!

SHKARKO APP

App Store
Google Play

E fundit!

x

U akuzua se mashtroi për kompaninë “Gulf”, vjen reagimi dhe ndjesa e Bes Kallakut!

23 Prill 2018, 11:13, Lifestyle CNA

Gjatë këtyre dy ditëve të fundit, lajmi se kompania e karburanteve ?Gulf? falimentoi duke i shkaktuar një dëm prej 6 milionë eurosh shtetit shqiptar dhe konsumatorëve të cilët kishin përfituar nga oferta e javëve të fundit nga kjo kompani për të marrë tollona nafte me çmim mjaft të reduktuar, ka krijuar një zhurmë të madhe mediatike.

Por në këtë zhurmë, shpesh është targetuar edhe komediani Bes Kallaku i cili në muajt e fundit ka qenë imazhi kryesor i kompanisë dhe shumë prej ndjekësve të tij në rrjete sociale, nga admirimi që kanë për Besin e kanë besuar fjalën e tij dhe kanë shkuar për të blerë tollona në ?Gulf?. Kjo ka bërë që disa prej tyre të mendojnë se Besi ka qenë i përfshirë në këtë aferë dhe tashmë pas dy ditësh erdhi edhe sqarimi i tij në Instagram.

?Sqarim: Ju bëj me dije se kisha rënë dakord që unë të isha imazh i kompanisë ?Gulf? për një kohë prej 7 muajsh duke filluar nga muaji dhjetor. Gjatë këtyre ditëve e kam marrë vesh nëpërmjet medias për falimentimin e kësaj kompanie. Nisur nga dëshira dhe keqdashja e disa portaleve që lidhin figurën time kur njësoj si të gjithë të dëmtuarit edhe unë jam pjesë e këtij dëmtimi të imazhit tim moral dhe ekonomik. Më vjen keq për çdokënd të dëmtuar dhe të mashtruar nga përdorimi i imazhit tim. Mirëkuptoj këdo. Gjithashtu edhe unë do ndjek rrugën ligjore. Zoti ju rujt!? ? ka përfunduar Besi fjalën e tij në Instagram./CNA





Lajmet e fundit nga