Mjalti bën mrekulli për lëkurën: Pa puçra, të pastër dhe hidratuar brenda natës

13 Prill 2018, 13:35, Kuriozitete CNA

Kur aplikohet mbi lëkurë, mjati shërben si ruajtës i lagështirës, duke e hidratuar lëkurën në thellësi. Në gjendjen e tij të pastër dhe të pafiltruar, mjalti është i pasur në minerale, antioksidantë, probiotikë, enzima dhe veti antibakteriale, që mbrojnë dhe ushqejnë lëkurën e dëmtuar. Për këtë arsye, majlti përdorët sot si përbërës në shumë produkte bukurie.

Mjalti është pranuar si kurues i ulçerës, plagëve në lëkurë dhe të tjera infeksioneve në lëkurë që vijnë si pasojë e djegieve dhe plagëve. Ka treguar se mund të pastrojë shpejt infeksionet nga plagë të thella kirurgjikale që s?po i përgjigjen antibiotikëve dhe antiseptikëve.

Mjalti nxit prodhimin e melatoninës, që është thelbësore për një gjumë të mirë në mbrëmje dhe si rrjedhojë edhe një përbërës i rëndësishëm i bukurisë dhe plakjes së shëndetshme. Aminoacidet në përbërje të mjaltit e mbajnë lëkurën të fortë dhe i japin një mbushje natyrale.

Pëbërja e tij fantastike e bën mjaltin një ushqim me vlera të shkëlqyera, por edhe një ilaç shumë efektiv, që mund ta provoni në lëkurën tuaj. Për të larguar aknet, hidratuar lëkurën, për një çehre më të mirë dhe shkëlqim që aq shumë produkte pretendojnë se ta japin, ja si duhet ta përdorni mjaltin:

Maskë hidratuese

Njomni fytyrën me ujë të ngrohtë, pastaj përhapni një shtresë të hollë mjalti, duke e masazhuar lëkurën në valë rrethore. Lëreni mjaltin në lëkurë për të paktën 30 minuta, shpëlajeni me ujë të ngrohtë dhe përgatituni të keni një lëkurë të butë dhe rrezatuese.

Pastron puçrat

Vendos pak mjaltë mbi puçrën që të shqetëson para se të flesh gjumë. Në mëngjes do të shihni që fytyra nuk do të jetë aq e acaruar dhe do të jetë një hap më pranë shërimit. Nëse po ju del një puçër me përmasat e një apartamenti, përzieni mjaltin me një pikë vaj esencial livandoje dhe përgatituni ta shkatërroni atë përbindësh.

Pastron poret

Lër enzimat brenda mjaltit të bëjnë punën më të madhe dhe të largojnë pisllëkun nga poret. Përziej një lugë gjelle mjaltë me dy lugëvaj kokosi derisa të krijohet një masë homogjene. Laj fytyrën me ujë të ngrohtë, thaje mirë, pastaj apliko përzierjen, duke e masazhuar në lëkurë me lëvizje rrethore, ndërsa shmangni zonën e syve. Lëre përzierjen të flejë në lëkurë për disa minuta pastaj se ta pastroni me ujë të ngrohtë.

Çfarë lloj mjalti duhet të përdorni?

Vetëm mjaltë të pastër, organik të paproçesuar. Ai që shihni në supermarkete me kavanozë të vegjël është procesuar rëndshëm, pastruar kimikisht dhe është trajtuar me nxehtësi, që shkatërron enzimat, vitaminat dhe mineralet./CNA