Prekëse! Vogëlushi lind 4 vjet pas aksidentit tragjik të prindërve

13 Prill 2018, 11:40, Kuriozitete CNA

Pesë vite më parë, një çift kinez u nda nga jeta në mënyrë tragjike pas një aksidenti automobilistik. Por ajo që prindërit e tyre bënë pas vdekjes së të rinjve, ka mahnitur botën.

Shen Jie dhe Liu Xi, nga Yixing, provinca Jiangsu e Kinës Lindore, vdiqën në një aksident rrugor më 20 mars 2013. Çifti kishte pasur probleme për të bërë një fëmijë dhe aksidenti ndodhi vetëm pesë ditë para se ata të finalizonin procedurën e fertilizimit in vitro. Por Jie dhe Xi nuk arritën dot kurrë ta bënin një gjë të tillë dhe embrionet e tyre mbetën në klinikën e fertilizimit.

Shen dhe Liu ishin të dy fëmijë të vetëm dhe embrionet e ruajtura në spitalin e Nanjing Gulou, u bënë shpresa e vetme e prindërve të tyre të hidhëruar për të vijuar trashëgiminë e tyre familjare.

Megjithatë, duke qenë se nuk ekzistojnë rregulla në Kinë për mënyrën e marrjes së embrioneve njerëzore që nuk janë fekonduar, prindërit e Shen dhe Liu hasën pengesa të mëdha për t?i siguruar ato nga spitali.

Pas një lufte të madhe në gjyqe, më në fund prindërit e të ndjerëve i morën embrionet nga Spitali Gulou dhe nisën përpjekjet për të gjetur një nënë mbartëse.

Kjo ishte shumë e vështirë pasi, sipas një rregulloreje të lëshuar nga Ministria e atëhershme e Shëndetësisë më 2001, mbartësimi është i ndaluar në Kinë.

Kjo do të thoshte se prindërit e dëshpëruar duhej të kërkonin këtë shërbim nga agjencitë e paligjshme.

Një femër mbartëse u zgjodh në mesin e më shumë se 20 kandidateve për të mbartur embrionet. Pasi ato u transplantuan në mitër, gruaja shtatzënë qëndroi në një shtëpi në Laos, për t?u përgatitur për lindjen.

Më 9 dhjetor 2017, gruaja lindi një djalë të vogël në një spital në Guangzhou, provincën Guangdong të Kinës Jugore. Gjyshja e tij nga ana e nënës, i vendosi emrin Tiantian, që do të thotë ?ëmbëlsi? me shpresën se do të sjellë ëmbëlsi dhe gëzim në familjet e tyre.

Ajo tha se do ta gënjejë nipin për prindërit duke i thënë se ata kanë shkuar jashtë shtetit dhe pastaj do t?i tregojë të vërtetën kur ai të rritej mjaftueshëm, ndërkohë që historia e vogëlushit ka emocionuar botën mbarë./CNA